మరో వారంలో దీపిక హాలీవుడ్ జర్నీ

బ్యూటీ దీపికా పదుకొణే ఇప్పుడు బాలీవుడ్ టాప్ హీరోయిన్. కేట్ - కంగనాల నుంచి పోటీ ఉన్నా, హిట్స్-క్రేజ్ లో చూస్తే దీపికని నెంబర్ వన్ హీరోయిన్ అనాల్సిందే. ఇన్నేళ్లూ బాలీవుడ్ ని మైమరపించిన ఈ బ్యూటీ.. ఇప్పుడు హాలీవుడ్ పట్టాలు ఎక్కేస్తోంది. మరో వారంలో ఈమె మొదటి హాలీవుడ్ మూవీ షూటింగ్ ప్రారంభం కానుంది.

విన్ డీజిల్ తో కలిసి దిగిన ఫోటోను పోస్ట్, దేశమంతా క్యూరియాసిటీ క్రియేట్ చేసిన దీపిక, తర్వాత అసలు విషయాన్ని మెల్లగా వెల్లడించింది. xxxమూవీలో తను నటించబోతున్నట్లు చెప్పింది. ఈ విషాయాన్ని ఆ చిత్ర నిర్మాణ సంస్థ అధికారికంగా ప్రకటించేవరకూ దీపిక ఈ సీక్రెట్ ను చెప్పకుండా వెయిట్ చేయడం విశేషం. అయితే, ఇదంతా జరిగి నెలలు గడిచిపోతోంది. ఇప్పుడు షూటింగ్ ప్రారంభించుకోవడానికి టైం వచ్చేసింది. ప్రపంచవ్యాప్తంగా క్రేజ్ సంపాదించిన సిరీస్ అయిన xxxలో దీపిక నటించేందుకు ముహూర్తం సెట్ అయింది.

వచ్చే వారమే దీపికా పదుకొణే హాలీవుడ్ ఫ్లైట్ ఎక్కుతోంది. 'హాలీవుడ్ ఎంట్రీపై నాకు చాలా ఉత్సాహంగాను, టెన్షన్ గాను కూడా ఉంది. వచ్చేవారమే నా తొలి హాలీవుడ్ మూవీ షూటింగ్ కోసం వెళ్లబోతున్నా ' అంటూ ఓ ఈవెంట్ లో స్వయంగా చెప్పింది దీపిక. ఏ దేశం వెళుతోందో దీపిక చెప్పకపోయినా.. మొదట డొమినికన్ రిపబ్లిక్ లో xxx మూవీ షూటింగ్ ప్రారంభం కానుందని తెలుస్తోంది.