బాహుబలి2పై కొత్త రూమర్ మొదలైంది

బాహుబలి సీక్వెల్ షూటింగ్ ప్రారంభమైనప్పటి నుంచి అనేక రూమర్స్ చక్కర్లు కొడుతూనే ఉన్నాయి. బాహుబలి ది కంక్లూజన్ లో ఆ హీరో చేస్తున్నాడని, ఈ హీరోయిన్ నటిస్తోందని.. బోలెడన్ని వార్తలొచ్చాయి. ఇవన్నీ పుకార్లేనని ఇప్పటికే దర్శకధీరుడు రాజమౌళి తేల్చేస్తే.. ఇప్పుడు మరో కొత్త కబురు మొదలైంది.

బాహుబలి2 లో స్టోరీకి కీలకమైన ఓ మహిళ పాత్ర ఉందని.. స్క్రీన్ పై చాలా తక్కువ సమయమే ఉండే ఈ పాత్ర, సినిమాలో చాలా ముఖ్యమని అంటున్నారు. ఈ రోల్ కోసం బాలీవుడ్ కం హాలీవుడ్ హీరోయిన్ దీపికా పదుకొనేను అప్రోచ్ అయ్యారని వార్తలొస్తున్నాయి. ఇప్పటికే హాలీవుడ్ లోనూ దీపికకు గుర్తింపు దక్కడంతో.. ఈ రోల్ ని ఆమెతో చేయిస్తే, బాహుబలి ది కంక్లూజన్ కు ఇంటర్నేషనల్ రేంజ్ లో హైప్ వస్తుందని.. యూనిట్ ఆలోచిస్తున్నారని అంటున్నారు.

దీపికా పదుకొనేని ఈ రోల్ కోసం ఇప్పటికే అడిగారనే న్యూస్ గట్టిగానే వినిపిస్తున్నా.. అటు బాహుబలి యూనిట్ నుంచి కానీ, ఇటు దీపిక నుంచి కానీ ఎటువంటి స్పందన రాలేదు. మరి పాత కబుర్లలాగానే ఇది కూడా రూమర్ అవుతుందో.. లేక సడెన్ సర్ ప్రయిజ్ అవుతుందో రాజమౌళి ఒక్కడే చెప్పగలడు.