చిరు పక్కన హాలీవుడ్ బ్యూటీ?

మెగాస్టార్ చిరంజీవి 150వ సినిమా ఫైనల్ అయి మూడు నెలలు కాగా, ముహూర్తం షాట్ కూడా తీసి నెల దాటిపోయింది. కోలీవుడ్ మూవీ కత్తిని మెగాస్టార్ కత్తిలాంటోడు అని రీమేక్ చేయనున్న సంగతి పాత విషయమే. ఇప్పటివరకూ ఈ చిత్రంలో హీరోయిన్ ఎవరో మాత్రం ఫైనలైజ్ చేయలేదు. మొదట నయనతార, తర్వాత అనుష్క.. ఇలా చాలామంది పేర్లు చిరు హీరోయిన్ గా వినిపించాయి. ఇప్పుడు వీళ్లందరినీ కాదని మెగాస్టార్ హీరోయిన్ గా ఓ హాలీవుడ్ బ్యూటీ పేరును.. యూనిట్ లీక్ చేస్తోంది.

నిజానికి నయనతార - అనుష్కల పేర్లు వినిపించడం రూమర్లే. చిరంజీవి పక్కన నటించాలంటూ తనను ఎవరూ సంప్రదించలేదని నయన్ ఓ సారి ఓపెన్ గానే చెప్పింది. ఇక అనుష్క అయితే.. ఇప్పుడున్న కమిట్మెంట్స్ ప్రకారం.. బల్క్ డేట్స్ ఇచ్చే పరిస్థితి లేదు. వాళ్లని అడిగారని, చిరు సినిమా ఆఫర్ ని వద్దన్నారని చెప్పినవన్నీ నిజానికి రూమర్స్ మాత్రమే. అయితే ఇప్పుడు అలాంటి నిజమో కాదో తెలియని మరో పెద్ద న్యూస్ ను ఇవాళ ఒక టాప్‌ దినపత్రిక పతాక శీర్షికలో ప్రచురించింది.

మెగాస్టార్ సరసన ట్రిపుల్ ఎక్స్ బ్యూటీ దీపికా పదుకొనేను ఫైనల్ చేశారన్నది లేటెస్ట్ న్యూస్. చిరు పక్కన దీపిక అంటే అది ఖచ్చితంగా పెద్ద న్యూసే కానీ.. ఇప్పుడున్న బిజీ బిజీ హాలీవుడ్‌ షెడ్యూల్లో ఆమెకు తెలుగు సినిమా చేసేంత తీరిక ఉందా అనేదే సందేహం. హాలీవుడ్‌ లో ట్రిపుల్‌ ఎక్స్ షూటింగ్‌ ముగించుకుని.. మొన్ననే ఇండియా వచ్చిందీ భామ. ఇకపోతే భారీ బడ్జెట్ తో తెరకెక్కుతున్న చిరు 150వ సినిమాలో హీరోయిన్.. ఆ రేంజ్ గాళ్‌ అయితేనే బెటర్‌ అని చరణ్‌ అనుకుంటున్నాడట. ఇదంతా నమ్మాలంటే.. అఫీషియల్‌ గా ఈ విషయం కన్ఫామ్‌ చేయాల్సిందే.