టాటూ తీసినందుకే మెడపై బ్యాండేజ్!?

బాలీవుడ్ టాప్ బ్యూటీ దీపికా పదుకునే ఇప్పుడు ఫుల్లు ఫాంలో ఉంది. పద్మావత్ మూవీ సక్సెస్ ను ఆమెను మరింత ఉన్నత స్థానానికి తీసుకెళ్లింది. కొన్ని పాత జ్ఞాపకాలను తొలగించుకునే పనిలో పడిందనే అనుమానాలు కలుగుతున్నాయి.

ప్రస్తుతం ఈ బ్యూటీ.. బాలీవుడ్ హీరో రణవీర్ సింగ్ తో రిలేషన్ షిప్ లో ఉందనే విషయం బహిరంగ రహస్యం. అయితే.. అంతకు ముందు ఈ భామ రణబీర్ కపూర్ తో కొంతకాలం ప్రేమాయణం జరిపింది. ఈ విషయాన్ని ఆమె దాచుకోలేదు కూడా. తన మెడపై ఆర్.కె. అనే అక్షరాలను టాటూ వేయించుకుంది కూడా. అయితే.. రణబీర్ తో బ్రేకప్ అయిన తర్వాత కూడా దాన్ని తొలగించుకునే ప్రయత్నం చేయలేదు. ఆ అవసరం లేదని కూడా ఓ సందర్భంలో చెప్పుకొచ్చింది. కానీ ఇప్పుడు తన నిర్ణయాన్ని మార్చుకున్నట్లుగా కనిపిస్తోంది.

రీసెంట్ గా దీపికా పదుకొనే ముంబై ఎయిర్ పోర్టులో కనిపించింది. ఈ సందర్భంగా ఫోటోగ్రాఫర్స్ తీసిన చిత్రాలలో ఆమె మెడ భాగంపై ఓ పెద్ద బ్యాండేజ్ కనిపించింది. ఇదే ప్రదేశంలో ఆర్.కె. అనే టాటూ ఉంటుంది. దాన్ని తొలగించుకోవడంలో భాగంగానే ఇలా బ్యాండేజ్ వేసుకోవాల్సి వచ్చిందనే టాక్ వస్తోంది. హైద్రాబాద్ కు వచ్చే సమయంలో ఈ ఫోటోలు తీయగా.. వేరే చిన్న పాటి స్కిన్ ఎలర్జీ కారణంగానే టాటూ వేసుకుందనే టాక్ కూడా వినిపిస్తోంది.