రజనీకి నో.. దీపికకు ఎస్‌!!

విన్ డీజిల్ తో దీపికా పదుకొనే ఓ ఫోటో షేర్ చేయగానే.. బాలీవుడ్ జనాలకి ఓ విషయం అర్ధమైపోయింది. ఈ హాలీవుడ్ స్టార్ తో కలిసి ఇంగ్లీష్ మూవీలో దీపిక భాగం కాబోతోందని అంచనా వేశారు. త్వరలో షూటింగ్ ప్రారంభం కానున్న ట్రిపుల్ ఎక్స్ సిరీస్ లో దీపిక కూడా జాయిన్ అవుతోందని అనుకున్నారు. వీటికి దీపిక అవునని కానీ, కాదని కానీ సమాధానం ఇవ్వలేదు. కానీ ఇప్పుడు ట్రిపుల్ ఎక్స్ మూవీ నిర్మాతలు అఫీషియల్ అనౌన్స్ మెంట్ కూడా ఇచ్చేశారు.

కాస్టింగ్లో దీపికా పదుకొనే పేరు కూడా ఉండడంతో.. ఈమె హాలీవుడ్ ఎంట్రీ ఫిక్స్ అయిపోయింది. ఆశ్చర్యకరమైన మరో విషయం ఏంటంటే.. ఈ భాగంలో తైవాన్ స్టార్ జెట్ లీ పేరు కూడా ఉండడం. ట్రిపుల్ ఎక్స్ లేటెస్ట్ మూవీలో జెట్ లీ - దీపికలు భాగం అవుతున్నారని అఫీషియల్ అనౌన్స్ మెంట్ వచ్చింది. ఇక్కడ షాకింగ్ న్యూస్ మరొకటి ఉంది. అదేంటంటే.. ప్రస్తుతం సెట్స్ పై ఉన్న సౌతిండియా సూపర్ స్టార్ రజినీకాంత్ మూవీ కోసం జెట్ లీని అడిగారు. కానీ.. ఇది సాధ్యపడలేదు. రజినీకాంత్ చిత్రానికి నో చెప్పిన జెట్ లీ.. ఇప్పుడు దీపిక నటించనున్న మూవీకి మాత్రం యస్ చెప్పడం విశేషం.

అయితే.. కబాలి కేవలం ఇండియన్ మూవీనే. కానీ ట్రిపుల్ ఎక్స్ అలా కాదు. అది ఇంటర్నేషనల్ స్థాయిలో రూపొందుతున్న హాలీవుడ్ మూవీ. ఈ సినిమా షూటింగ్ జనవరి ఆఖర్లో ప్రారంభం కానుండగా.. ఫిబ్రవరి నుంచి దీపిక, జెట్ లీలు కూడా యూనిట్ తో జత కానున్నారు. డొమినికన్ రిపబ్లిక్ లో ట్రిపుల్ ఎక్స్ ఫ్రాంచైజీకి సంబంధించిన ఎక్కువ భాగం షూటింగ్ జరగనుంది.