దీపికా పదుకొనేకు అరుదైన గుర్తింపు

బాలీవుడ్ ముద్దుగుమ్మ దీపికా పదుకొనేకు అరుదైన గౌరవం దక్కింది. లండన్ లోని మేడం టుస్సాడ్ మ్యూజియంలో దీపికా పదుకొనే మైనపు విగ్రహాన్ని ఏర్పాటు చేయనున్నారు. ఈ మేరకు తాజాగా టుస్సాడ్ మ్యూజియం సిబ్బంది దీపిక కొలతలను తీసుకున్నారు. దీనికోసం దీపిక లండన్ కు తాజాగా వెళ్లారు.

ఈ విషయాన్ని తాజాగా దీపికా తన ట్విట్టర్ ఖాతాలో ‘ఇట్స్ ఆల్ ఎబౌట్ ది డీటైల్స్’ అంటూ టుస్సాడ్స్ మ్యూజియంకి కావాల్సిన కొలతలను ఇస్తున్న ఫొటోను పోస్ట్ చేసింది. ఈ మైనపు విగ్రహాన్ని బాలీవుడ్ సెలబ్రెటీ విగ్రహాలతో పాటుగా కాకుండా ‘ఎ-లిస్ట్ సెక్షన్ పర్సనాలిటీలు హాలీవుడ్ తారలు హెలెన్ మిర్రెన్ - ఎంజెలీనా జోలీ మధ్యలో ఏర్పాటు చేయనున్నారు. ఇది దీపికకు అరుదైన గుర్తింపు అనడంలో ఎలాంటి సందేహం లేదు.

దీపికకు ఈ సంవత్సరం అన్ని కలసివస్తున్నాయి. వివాదాలతో విడుదలే కష్టమనుకున్న ‘పద్మావతి’ మూవీ విడుదలై దీపికకు మంచి పేరు తీసుకొచ్చింది. ఇక ఓ ప్రముఖ పత్రిక ప్రకటించిన ‘100 మోస్ట్ ఇన్ ప్లూయన్షియల్ పీపుల్’ లిస్ట్ లో దీపిక చోటు దక్కించుకుంది. అలాగే ఈ ఏడాదే దీపిక పదుకొనే బాలీవుడ్ హీరో రణవీర్ సింగ్ ను వివాహం చేసుకోనుంది. ఇలా అన్ని మంచి శకుణాలే దీపికకు తగులుతున్నాయి.. వీటికి తోడు తాజాగా మేడమ్ టుస్సాడ్ మ్యూజియంలో మైనపు విగ్రహానికి చోటు దక్కడంతో ఆమె ఆనందానికి అవధులు లేకుండా పోయింది.