లేడీ సింగంగా బాలీవుడ్ స్టార్‌ హీరోయిన్‌

అజయ్ దేవగన్ హీరోగా రోహిత్‌ శెట్టి దర్శకత్వంలో రూపొందుతున్న సింగం మరియు సింగం ఎగైన్‌ సినిమాలు వచ్చిన విషయం తెల్సిందే. ఈ సిరీస్ లో మూడవ పార్ట్‌ రాబోతున్నట్లుగా అధికారికంగా ప్రకటన వచ్చింది. సింగం 3 సినిమాకు సంబంధించిన ప్రీ ప్రొడక్షన్ వర్క్ జరుగుతున్నట్లుగా సమాచారం అందుతోంది.

సింగం లో అజయ్ దేవగన్ పోలీస్‌ పవర్ ను చూపించాడు. మొదటి రెండు పార్ట్‌ ల్లో కూడా అజయ్ దేవగన్‌ పవర్ ఫుల్‌ పోలీస్ ఆఫీసర్ గా కనిపించిన విషయం తెల్సిందే.

సోషల్‌ మీడియాలో పెద్ద ఎత్తున ఆధరణ ఉన్న సింగం మూడవ పార్ట్‌ లో బాలీవుడ్‌ స్టార్‌ హీరోయిన్ దీపికా పదుకొనే నటించబోతున్నట్లు అధికారికంగా ప్రకటించారు.

దీపికా పదుకునే సింగం 3 లో పోలీస్‌ పాత్రలో కనిపించబోతుందట. మొదటి రెండు పార్ట్‌ ల్లో లేడీ పోలీస్ ను పెట్టని దర్శకుడు రోహిత్‌ శెట్టి మొదటి సారి లేడీ కాప్ తో సింగం 3 ని చేయబోతున్నాడు. భారీ ఎత్తున అంచనాలు ఉన్న ఈ సినిమాకు సంబంధించిన షూటింగ్ కార్యక్రమాలు షురూ అవ్వబోతున్నాయి.

అజయ్ దేవగన్ మరియు దీపికా పదుకునేలు పోటా పోటీగా పోలీస్‌ ఆఫీసర్ పాత్రల్లో కనిపించబోతున్నారట. ఇటీవలే ఈ అమ్మడు సర్కస్ సినిమాలో ఐటం సాంగ్‌ చేసి అందరి దృష్టిని ఆకర్షించింది.

ఇక ఈమె ప్రస్తుతం ప్రభాస్‌ తో ప్రాజెక్ట్‌ కే అనే భారీ ప్రతిష్టాత్మక టైమ్‌ ట్రావెల్‌ సినిమాలో కూడా నటిస్తున్న విషయం తెల్సిందే. ఇంగ్లీష్ ప్రాజెక్ట్‌ ల్లో కూడా ఈమె పరిశీలింపబడుతుందనే వార్తలు వస్తున్నాయి.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.