అందుకే అనుకి ఇంత డిమాండ్

వెండితెరపై ఎవరికైనా సరే అదృష్టం కలిసొచ్చే టైమ్ ఉంటె ఎవ్వరు ఆపలేరు. రిజల్ట్ తో సంబంధం లేకుండా సినిమాలను చాలా స్పీడ్ గా చేసేస్తుంటారు. ప్రతి ఏడాది ఒక్కో హీరోయిన్ కు టైమ్ బాగా కలిసొస్తుంటుంది. ఆ తరహాలో అను ఇమ్మాన్యుయేల్ కి ఈ ఇయర్ అదృష్టం అందినట్లు తెలుస్తోంది. మొత్తంగా 2018ని తన గుప్పిట్లో పెట్టుకుంటుందా అనేట్లు సినిమా అవకాశాలను అందుకుంటోంది. ప్రస్తుతం టాలీవుడ్ లో చాలా మంది హీరోయిన్స్ ఉన్నా కూడా అందరూ మల్లు బ్యూటీ వైపే చేస్తున్నారు.

అయితే అను 2018లో మొదటి సినిమాతోనే అపజయాన్ని అందుకుంది. పవర్ స్టార్ పవన్ కళ్యాణ్ తో నటించిన అజ్ఞాతవాసి సినిమా దారుణమైన ప్లాప్ ఇవ్వడంతో కెరీర్ పై ఎఫెక్ట్ పడుతుందా అని అందరు అనుకున్నారు. కానీ ఆ వ్యత్యాసం ఏమి కనిపించడం లేదు. ఇప్పటికే అల్లు అర్జున్ తో ఒక సినిమాను చేస్తోన్న సంగతి తెలిసిందే. అలాగే సాయి ధరమ్ ఇంకా రామ్ చరణ్ వంటి మెగా హీరోలతో అమ్మడు స్క్రీన్ షేర్ చేసుకునే అవకాశం ఉందట.

అయితే అనుని ఎంచుకోవడానికి ఒక కారణం ఉందని టాక్ గట్టిగా వినిపిస్తోంది. ఆమెకు ఈగో అంతగా ఉండదట. అలాగే స్పెషల్ డిమాండ్స్ అంటూ విసిగించదు. ఎక్కువగా ఖర్చు కూడా చేయించనివ్వదు. పైగా అమెరికా నుండి వచ్చింది కదా.. అసిస్టెంట్లు.. వాళ్ళకు ఫస్ట్ క్లాస్ ఫ్లయిట్ టిక్కెట్లు అంటూ ఉంటుందా అంటే అది లేదు. ఏమాత్రం హాడావుడి చేయకుండా.. నిర్మాతలను ఇబ్బందిపెట్టకుండా చక్కగా వర్క్ చేసుకుంటుందట. అందుకే అందరూ అను చుట్టూ ప్రదక్షిణలుచేస్తున్నారు అని ఫిల్మ్ నగర్ లో కొందరు నిర్మాతలు మాట్లాడుకుంటున్నారు.