దేవా..ఈసారైనా కమర్షియల్ హిట్ కొడతావా?

దేవకట్టా అనగానే సినీ ప్రియులలో ఒక వర్గం ప్రేక్షకులు అలెర్ట్ అవుతారు. వెన్నెల వంటి రోమ్ - కోమ్ తీసిన తరువాత ప్రస్థానం లాంటి హై ఇంటెన్సిటీ మూవీని అటెంప్ట్ చేసి అందరినీ ఆశ్చర్యపరచడమేకాక ఆలోచనలో కూడా పడేశాడు. మదిలోతులకు చేరే సంభాషణలతో నవ జీవన సిద్ధాంతాలతో ప్రేక్షకులను ఉత్తేజపరిచాడు.

ఆ తరువాత తెరకెక్కించిన ఆటో నగర్ సూర్య కలెక్షన్ల పరంగా నిరాశపరిచినా ఆ మాటల ప్రభావం ఇప్పటికీ కొందరి మస్తిష్కంలో కొనసాగుతుంది. అటువంటి దేవకట్టా ఈసారి హై వోల్టేజ్ యాక్షన్ తరహా చిత్రాన్ని తెరకెక్కించాడు. సాధారణంగా మంచు విష్ణు డూప్ లెస్ స్టంట్లకు పెట్టింది పేరు. అయితే డైనమైట్ సినిమాకుగానూ మంచు విష్ణు చేత ఎడతెరపీ లేకుండా కసరత్తులు చేయించి అద్భుతమైన యాక్షన్ సీన్స్ ని తెరకెక్కించినట్టు సమాచారం. విష్ణుచేత మాత్రమే కాక ఈ చిత్రంలో హీరోయిన్ ప్రణీత చేత కూడా మునుపెన్నడూ లేని విధంగా యాక్షన్ ఎపిసోడ్ లను చిత్రీకరించారట. ఎలాగైనా ఈ సినిమాతో తాను ఎప్పటినుంచో ఎదురుచూస్తున్న కమర్షియల్ హిట్ కొట్టాలని భావిస్తున్నట్టు సమాచారం. ఏ విషయమూ వచ్చే నెల 4న తెలిసిపోతుంది లెండి..