ఈ ప్రాజెక్టయినా పట్టాలెక్కుతుందా??

దర్శకుడు దేవ కట్టా ఎన్నో గొప్ప గొప్ప విన్యాసాలు చేయాలనే అనుకుని ఉంటాడు. అందుకే తన తొలి సినిమా వెన్నెల నుండి చాలా టైమ్ తీసుకుని చివరకు ప్రస్థానం అంటూ ఒక సెన్సేషనల్ సినిమా తీశాడు. ఆ సినిమా పెద్ద హిట్టనే టాక్ వచ్చి క్లాసిక్ జాబితాలోకి చేరినప్పటికీ.. అప్పట్లో సినిమా నిర్మాతలకు లాసే వచ్చింది. కట్ చేస్తే ఈ దర్శకుడి కెరియర్ కూడా పెద్ద అద్భుతంగా ఏం టర్నవ్వలేదు. ఆటో నగర్ సూర్య.. దూసుకెళ్తా వంటి సినిమాలో దారుణంగా బెడసి కొట్టాయి. దానితో పెద్ద పెద్ద హీరోలతో అనుకున్న ప్రాజెక్టులన్నీ అటకెక్కేశాయి. ఈ మధ్యనే శర్వానంద్ తో కలసి ప్రస్థానం సీక్వెల్ సినిమా అనుకున్నారు కాని.. అది కూడా వర్కవుట్ అయినట్లే లేదు. అలాగే ఒక వెబ్ సిరీస్ కూడా ప్లాన్ చేసినా.. అదీ మొదలవ్వలేదు.

ఇప్పుడు టాలీవుడ్లో వినిపిస్తున్న లేటెస్టు టాక్ ఏంటంటే.. మనోడు తన ప్రస్థానం సినిమాను హిందీలో తీస్తున్నాడట. అదిగో అక్కడ సంజయ్ దత్ కు చాన్నాళ్ల క్రితమే ఈ కతను వినిపించేసి మెప్పించేశాడు కాని.. మధ్యలో మనోడు జైలుకు వెళ్ళిపోవడంతో సినిమా లేటైంది. ఇకపోతే ఇప్పుడు సంజయ్ భార్య మాన్యత స్వయంగా ఈ సినిమాను లాక్ చేయాల్సిందిగా దేవ కట్టాను కోరిందట. దానితో మనోడు ఆల్రెడీ హిందీ నేపథ్యానికి తగినట్లు కథను సెట్ చేసి.. డైలాగ్ వర్షన్ రాయించే పనిలో ఉన్నాడని తెలుస్తోంది. త్వరలోనే ఈ ప్రాజెక్టు పట్టాలెక్కుతోందట. దేవ కట్టా టైపులో భలే టాలెంటు ఉందే అని పేరు తెచ్చుకునే దర్శకులు అరుదుగా ఉంటారు. కాని అలాంటి ఫిలింమేకర్లు త్వరత్వరగా సినిమాలు చేస్తే బాగుంటుంది కదూ!!

Like Us on Facebook : https://www.facebook.com/Tupakidotcom/