దేవదాస్ రెండో రోజు కలెక్షన్స్ డీసెంటే..!

అక్కినేని నాగార్జున - నాని ల మల్టిస్టారర్ 'దేవదాస్' మొన్న 27 వ తారీఖున ప్రేక్షకుల ముందుకు వచ్చింది. మొదటి రోజు మొదటి రోజు ఏపీ - తెలంగాణలలో రూ. 4.67 కోట్ల షేర్ సాధించింది. ఇక వరల్డ్ వైడ్ ఫస్ట్ డే టోటల్ కలెక్షన్స్ షేర్ రూ. 6.57 కోట్లు. ఇదిలా ఉంటే రెండో రోజు కూడా తెలుగు రాష్ట్రాలలో డీసెంట్ కలెక్షన్స్ నమోదు చేసింది.

రెండో రోజు ఏపీ - తెలంగాణాలలో రూ. 2.07 కోట్ల రూపాయల షేర్ వసూలు చేసింది. మొదటి రోజుతో పోల్చుకుంటే 50% దాకా డ్రాప్ ఉన్నప్పటికీ వర్కింగ్ డే కాబట్టి ఈ కలెక్షన్స్ ను డీసెంట్ ఫిగర్స్ గానే పరిగణించాలి. దీంతో తెలుగు రాష్ట్రాల్లో రెండు రోజులకు రూ. 6.71 కోట్ల షేర్ వచ్చింది. ఈరోజు రేపు శని ఆదివారాలు కాబట్టి వీకెండ్ అడ్వాంటేజ్ వాడుకుంటే మంచి కలెక్షన్స్ నమోదు చేసే అవకాశం ఉంది. పోటీ కూడా పెద్దగా లేదు.. పైగా కమర్షియల్ ఎంటర్ టైనర్ కాబట్టి దేవదాసులు బాక్స్ ఆఫీస్ ను దున్నడం దాదాపు ఖాయమేనని నిర్మాతలు అంచనా వేస్తున్నారు. మొదటి వీకెండ్ కలెక్షన్స్ ఫిగర్స్ చూస్తే గానీ ఫుల్ రన్ లో ఎంత కలెక్ట్ చేస్తుందనే విషయం పై అంచనాకు రాలేం. బ్రేక్ ఈవెన్ అయ్యేందుకు ఈ సినిమా అందుకోవలసిన టార్గెట్ రూ. 37.20 కోట్లు .

తెలుగు రాష్ట్రాలలో 'దేవదాస్' రెండు రోజుల ఏరియా వైజ్ కలెక్షన్స్ ను పరిశీలించండి. ఫిగర్స్ అన్నీ రూపాయలే.

నైజాం - 2.5 cr
ఉత్తరాంధ్ర - 0.87 cr
సీడెడ్ - 1.01 cr
గుంటూరు - 0.68 cr
ఈస్ట్ - 0.53 cr
వెస్ట్ - 0.38 cr
కృష్ణ -0.48 cr
నెల్లూరు - 0.26 cr

ఆంధ్ర ప్రదేశ్ + తెలంగాణా టోటల్: రూ.6.71 cr