దేవరకొండ బ్రదర్ కెరీర్ బాగానే ఉంది కానీ.. వాళ్ళకే ఏం లాభం చేకూరలేదు!

యంగ్ హీరో విజయ్ దేవరకొండ తమ్ముడు ఆనంద్ దేవరకొండ 'దొరసాని' సినిమాతో హీరోగా ఎంట్రీ ఇచ్చిన సంగతి తెలిసిందే. ఆ తర్వాత వచ్చిన 'మిడిల్ క్లాస్ మెలోడీస్‌' సినిమాతో మంచి గుర్తింపు తెచ్చుకున్నాడు. ప్రస్తుతం హోమ్ బ్యానర్ లో 'పుష్పక విమానం' అనే కామెడీ ఎంటర్టైనర్ ని విడుదలకు రెడీ చేస్తున్నాడు. ఈ క్రమంలో నాలుగు కొత్త ప్రాజెక్ట్స్ ని ప్రకటించాడు ఆనంద్. అయితే ఇప్పటి వరకు వచ్చిన సినిమాలను బట్టి చూసి, వాటి వల్ల యువ హీరోకి లాభం చేకూరిందేమో కానీ మిగతా వారికి మాత్రం హెల్ప్ అవలేదని కామెంట్స్ వినిపిస్తున్నాయి.

'దొరసాని' సినిమాలో ఆనంద్ దేవరకొండ సరసన హీరోయిన్ గా నటించిన శివాత్మిక రాజశేఖర్ మళ్ళీ స్క్రీన్ పై కనిపించలేదు. అప్పుడెప్పుడో 'వెన్నెల' సినిమా చేస్తోందని అన్నారు కానీ ఈ మధ్య దాని ఊసలేదు. డైరెక్టర్ నుంచి కూడా మరో సినిమా రాలేదు. అలానే గ‌తేడాది చివ‌ర్లో 'మిడిల్ క్లాస్ మెలోడీస్' డైరెక్ట్ ఓటిటి ప‌ద్ధ‌తిలో విడుద‌లై, మంచి టాక్ తెచ్చుకుంది. వినోద్ అనంతోజు దర్శకత్వం వహించిన ఈ చిత్రంలో వర్ష బొల్లమ్మ హీరోయిన్ గా నటించి మెప్పించింది.

అయితే 'మిడిల్ క్లాస్ మెలోడీస్' సినిమా కార‌ణంగా జూనియ‌ర్ దేర‌వ‌కొండ లాభ‌ప‌డ్డాడు కానీ, ఆ సినిమాలో న‌టించిన వ‌ర్ష‌కు కానీ డైరెక్ట‌ర్ కు కానీ పెద్ద‌గా ఏం లాభం చేకూర‌లేదు. ప్ర‌స్తుతం ఫిలిం సర్కిల్స్ లో ఆనంద్ గురించి టాపిక్ వ‌చ్చిన ప్ర‌తిసారీ ఇదే కామెంట్స్ వినిపిస్తున్నాయట. ఇప్పుడు యువ హీరో చేస్తున్న నాలుగు సినిమాలకు సంబంధించిన వారి పరిస్థితి కూడా ఇలానే అవుతుందేమో అని కామెంట్స్ చేస్తున్నారు.