రేపే స్మాల్ పెగ్ కొట్టనున్న దేవదాస్

కాదేదీ కవితకనర్హం అన్నట్టు ..కాదేదీ సినిమా ప్రమోషన్స్ కు అనర్హం అని ఇప్పటి యంగ్ మేకర్స్ చాటిచెబుతున్నారు. ఒక సినిమాను విడుదలకు ముందే జనంలోకి ఎలా ఇంజెక్ట్ చేయాలో వాళ్లకు బాగా తెలుసు. సినిమాకి వీలైనంత క్రేజ్ తీసుకొచ్చి బ్రహ్మాండమైన ఓపెనింగ్స్ రాబట్టే ప్రక్రియను ప్రతీ దర్శకుడూ పాటిస్తున్నాడు. ఈ నేపథ్యంలో నాగార్జున - నానీ ‘దేవదాస్’ మూవీకి వినూత్నరీతిలో ప్రమోషన్స్ ను మొదలుపెట్టారు. డాన్ అయిన దేవ్ - డాక్టర్ అయిన దాస్ లు మందుకొట్టి మంచం పడుకొన్న పోజుతో ఫస్ట్ లుక్ పోస్టర్ ను వదలిన దేవదాస్ టీమ్..ఇప్పుడు స్మాల్ పెగ్ తో ఫస్ట్ టీజర్ ను రిలీజ్ చేయబోతోంది.

సరిగ్గా రేపు సాయంత్రం 5గంటలకు దేవదాస్ టీజర్ కు ముహూర్తం పెట్టారు. దానికి సంబంధించిన ఒక వెరైటీ పోస్టర్ ను కూడా రెడీ చేసింది చిత్ర బృందం. “స్మాల్ పెగ్ టుమారో @ 5PM” అని టెక్స్ట్ తో ఉన్న పోస్టర్ మీద సిల్ హౌట్ లో నాగ్ - నానీ మందుకొడుతున్న పోజు అందరినీ భలే ఆకట్టుకుంటోంది. ఎఎన్నార్ ‘దేవదాస్” టైటిల్ పెట్టినందుకు దానికి చిత్ర యూనిట్ ఈ విధంగా జస్టిఫికేషన్ ఇస్తోందని చెప్పుకోవాలి. ‘భలేమంచి రోజు - శమంతకమణి’ చిత్రాలతో మంచి వర్త్ ఉన్న డైరెక్టర్ అనిపించుకున్న శ్రీరామ్ ఆదిత్య.. ‘దేవదాస్’ ను హిలేరియస్ ఎంటర్ టైనర్ గా తీర్చిదిద్దుతున్నట్టు తెలుస్తోంది. హాలీవుడ్ మూవీ ‘ఎనలైజ్ దిస్’ కు ప్రేరణ అయినప్పటికీ.. అందులోని పాత్రల ఆధారంగా మాత్రమే ఈ సినిమాను తెరకెక్కించినట్టు వార్తలొస్తున్నాయి. రష్మికా మండన్న, ఆకాంక్షాసింగ్ కథానాయికలుగా నటిస్తున్న ఈ సినిమాకు మణిశర్మ సంగీతం అందిస్తుండడం విశేషంగా మారింది.