డీఎస్పీ ఖాతాలో అరుదైన రికార్డు!

రాక్ స్టార్ దేవీ శ్రీ ప్రసాద్ గురించి అసలు తెలుగు ఆడియన్స్ కు ఇంట్రో ఇవ్వాల్సిన పనే లేదు. తెలుగు ఆడియన్స్ కు మాత్రమే కాదు. మొత్తం సౌత్ లోనే దేవీ పేరు తెలియని మ్యూజిక్ లవర్స్ ఉండరు. ఈమధ్య అడపాదడపా దేవీ సంగీతంపై కొన్ని విమర్శలు వస్తున్నాయి కానీ ఇప్పటికీ తెలుగులో దేవీనే నంబర్ వన్ మ్యూజిక్ డైరెక్టర్. సూపర్ స్టార్ మహేష్ బాబు 'మహర్షి' కి దేవీ శ్రీ ప్రసాద్ సంగీతం అందిస్తున్నాడనే సంగతి తెలిసిందే. ఈ సినిమాతో దేవీ ఒక అరుదైన ఫీట్ సాధించాడు.

యంగ్ టైగర్ ఎన్టీఆర్.. మెగాస్టార్ చిరంజీవి.. తమిళ స్టార్ హీరో సూర్య.. తాజాగా సూపర్ స్టార్ మహేష్ బాబు ల్యాండ్ మార్క్ చిత్రాలకు సంగీతం అందించిన అరుదైన ఘనతను సొంతం చేసుకున్నాడు. ఈ విషయం తెలుపుతూ దేవీ శ్రీ ప్రసాద్ తన ట్విట్టర్ ఖాతా ద్వారా తనపై చూపించిన ప్రేమకు.. ఉంచిన నమ్మకానికి కృతజ్ఞతలు తెలిపాడు.ఇలాంటి ల్యాండ్ మార్క్ చిత్రాలకు భాగస్వామిని కావడం తనకో గౌరవం అని చెప్పాడు. దేవీ సంగీతం అందించిన ల్యాండ్ మార్క్ సినిమాల వివరాలను ఒక సారి చూడండి.

#ఎన్టీఆర్ 25: నాన్నకు ప్రేమతో
#మెగాస్టార్150: ఖైది నెం. 150
#సూర్య25: సింగం
#SSMB25:మహర్షి

ఈ ట్వీట్ కు నెటిజనుల నుండి మంచి స్పందనే దక్కింది. "మీరు ఇలాగే సంగీత ప్రియులను అలరిస్తూ ఉండాలని" చాలామంది నెటిజనులు దేవీని కోరారు. మరి ఈ ల్యాండ్ మార్క్ చిత్రాల లిస్టులో ఇంకా ఎన్ని సినిమాలు వచ్చి చేరతాయో వేచి చూడాలి.