బాలయ్య సినిమా నుండి అతడు ఔటా??

ఏ ప్రాజెక్టులో ఎవరుంటారు అనేది ఒక సినిమా చివరాకర్లో రిలీజ్ అయ్యే వరకు ఎవ్వరికీ తెలియదు. చాలా ప్రాజెక్టులకు కెమెరా మ్యాన్లు, మ్యూజిక్ డైరక్టర్లు.. ఒక్కోసారి చివర్లో హీరోయిన్లు కూడా మారిపోతుంటారు. అందుకే రిలీజయ్యేవరకు ఏ సినిమాలో ఎవరున్నారు అనే విషయం డిస్కస్ చేయకండి అంటుంటారు సినీ పెద్దలు. ఇప్పుడు బాలయ్య 100వ సినిమాకు కూడా ఇలాంటి చిక్కులే వచ్చిపడ్డాయా అంటే అవుననే వినిపిస్తోంది.

ఎంతో ప్రెస్టీజియస్ గా క్రియేటివ్ దర్శకుడు క్రిష్‌ రూపొందిస్తున్న ''గౌతమీపుత్ర శాతకర్ణి'' సినిమా కోసం.. సంగీత దర్శకుడిగా దేవిశ్రీ ప్రసాద్‌ ను లైన్లో పెట్టారు. అయితే మనోడు మాత్రం ఈ ప్రాజెక్టుతో పాటు మరో రెండు పెద్ద సినిమాలు ఒప్పుకోవడం, మధ్యలో తన అమెరికా లైవ్ ఇన్ కాన్సర్టుల సంగతి చూసుకోవడంతో బాలయ్య సినిమాకు పాటలు కంపోజ్ చేయడం లేట్ అవుతోందట. సంక్రాంతి 2017కు ఎట్టిపరిస్థితుల్లో సినిమాను రిలీజ్ చేయాలంటే.. ఇప్పుడే పాటలు కూడా చిత్రీకరించాలి. ఎందుకంటే పాటల్లో కూడా విజువల్ ఎఫెక్ట్స్ బోలెడంత ఉంటుంది మరి. అదే విషయం దేవిశ్రీ దగ్గర ప్రస్తావిస్తే మనోడు చేతులెత్తేశాడని.. అందుకే ఇప్పుడు క్రిష్‌ కొత్త మ్యూజిక్ డైరక్టర్ కోసం వెతుకుతున్నాడని తెలుస్తోంది.

గతంలో క్రిష్‌ 'కంచె' సినిమాకు కంపోజ్ చేసిన చిరంతన్ బట్ దగ్గర పాటలు తీసుకుని.. మణిశర్మతో బ్యాక్ గ్రౌండ్ స్కోర్ చేయిస్తారని ఒక టాక్ వినిపిస్తోంది. చూద్దాం ఇవన్నీ నిజమేనో లేకపోతే #బాలయ్య100 టీమ్ రూమర్లంటూ కొట్టిపాడేస్తుందో!!