దేవి చాలా కాస్ట్ లీ గురు

టాలీవుడ్ లో ఇప్పుడున్న సంగీత దర్శకుల్లో అత్యంత బిజీ ప్లస్ కాస్ట్ లీ ఎవరయ్యా అంటే దేవి శ్రీ ప్రసాద్ పేరే విన్పిస్తోంది.తమన్ కూడా రేస్ లో ఉన్నాడు కానీ దేవి డిమాండ్ వేరుగా ఉంది. బ్యాక్ టు బ్యాక్ హిట్స్ తో రేంజ్ పెంచుకుంటూ పోతున్న దేవి రెమ్యునరేషన్ ప్రస్తుతం 3 కోట్ల దాకా ఉందని ఇన్ సైడ్ టాక్. అంత ఇచ్చినా దేవి ఈజీగా దొరుకుతాడు అన్న గ్యారెంటీ లేదు. రంగస్థలం-భరత్ అనే నేనుతో కేవలం నెల రోజుల్లో రెండు ఇండస్ట్రీ హిట్స్ సొంతం చేసుకున్న దేవి ప్రస్తుతం రామ్ హలో గురు ప్రేమ కోసమే ట్యూన్స్ కట్టే పనిలో ఉండగా విక్రమ్ తో చేసిన సామీ స్క్వేర్ టీజర్ తోనే రికార్డులు సృష్టిస్తోంది. వివి వినాయక్ బాలయ్యతో చేయబోయే మూవీకి సైతం దేవినే తీసుకోనున్నట్టు ఇప్పటికే టాక్ ఉంది. గతంలో ఈ ఇద్దరి కాంబోలో లెజెండ్ వచ్చిన సంగతి తెలిసిందే. గౌతమి పుత్ర శాతకర్ణి కూడా దేవినే చేసేవాడు. కానీ టైం ఫ్రేమ్ వల్ల వదులుకోవాల్సి వచ్చింది.

టాప్ అఫ్ ది చైర్ లో కూర్చున్న దేవి శ్రీ ప్రసాద్ అందరికి బెస్ట్ ఛాయస్ గా మారుతున్నాడు. మరోవైపు తమన్ కూడా ఇంత కన్నా బిజీ గా ఉన్నప్పటికీ పారితోషికం విషయంలో మాత్రం పోటీ పడటం లేదు. దేవి సినిమాతో పరిచయమైన దేవి శ్రీ ప్రసాద్ 19 ఏళ్ళ క్రితం పరిచయమైనా ఇప్పటికీ బిజీగా ఉండటం అంటే చిన్న విషయం కాదు. మహామహులైన సంగీత దర్శకులు సైతం రెండు దశాబ్దాలు ఏలిన దాఖలాలు చాలా తక్కువ. అలాంటిది యువ తరంగం దేవి ఇన్నేళ్లు టాప్ రేంజ్ లో ఉండటం మాత్రం గొప్ప విషయమే. మాసీ ట్యూన్స్ ఇవ్వడంలో దేవి ని కొట్టేవాడు లేకపోవడం బాగా కలిసి వస్తోంది. చిరంజీవి మొదలుకుని రామ్ చరణ్ దాకా నాగార్జున మొదలుకుని నాగ చైతన్య దాకా ఇలా తండ్రి కొడుకులకు మ్యూజికల్ హిట్స్ ఇచ్చిన అరుదైన ఘనత కూడా దేవి శ్రీ ప్రసాద్ సొంతం చేసుకున్నాడు. దటీజ్ దేవి. అందుకే కదా ఇంత డిమాండ్.