కంచెకు ప్లాటైపోయిన స్టార్‌ కంపోజర్‌

మెగా వార‌సుడు- క్రిష్ కాంబినేష‌న్ లో తెర‌కెక్కిన కంచె సినిమా ఇటీవ‌ల విడుదలై మంచి టాక్ తో న‌డుస్తుంది. రెండ‌వ ప్ర‌పంచ యుద్ధం బ్యాక్ డ్రాప్ లో నే అంద‌మైన ల‌వ్ స్టోరీ ని అల్లుకుని రూపొందించిన సినిమాకు టాలీవుడ్ ఫిదా అయిపోయింది. కమర్షియల్ గా ఈ సినిమా సక్సెస్ అవుతుందా లేదా అని మొద‌ట సందేహం క‌ల్గిన మంచి టాక్ రావడంతో థియేట‌ర్ల‌ను కూడా పెంచారు. అటు క్రిటిక్స్ ప్ర‌శంస‌ల‌ను అందుకుంటోంది. ముఖ్యంగా వ‌రుణ్ క్యారెక్ట‌రైజేష‌న్ ను క్రిష్ అద్భుతంగా చూపించాడు. దీంతో మెగా కుటుంబం కూడా క్రిష్ ను ఆకాశానికి ఎత్తేసింది. ద‌ర్శ‌కుడు ఇంద్ర‌గంటి మోహ‌న్ కృష్ణ ఏకంగా క్రిష్ ను ప్ర‌శంసిస్తు పెద్ద లేఖ‌నే రాశాడు.

ఇప్పు డు సంగీత ద‌ర్శ‌కుడు దేవీశ్రీ ప్ర‌సాద్ వంతు అయింది. క్రిష్ ఓ మంచి క‌థ‌ను ప్రేక్ష‌కుల‌కు చూపించారు. ఇలాంటి క‌థ‌లు చాలా అరుదుగా వ‌స్తాయి. వ‌చ్చిన వెంట‌నే చూసేయాలి. వ‌రుణ్ బాగా న‌టించాడు. సినిమాకు అన్ని బాగా కుదిరాయి. అందుకే ఇంత మంచి అవుట్ ఫుట్ వ‌చ్చిందంటూ త‌న ఫేస్ బుక్ ఖాతా ద్వారా కంచె టీమ్ ను ఆకాశానికి ఎత్తేశారు. త్వ‌ర‌లో కంచె టీమ్ విజ‌యోత్స వేడుక‌ను మెగా కుటుంబం స‌మ‌క్షంలో ఘ‌నంగా జ‌ర‌ప‌నుంద‌ని ఓ వార్త వెలుగులోకి వ‌చ్చింది. తొలి సినిమా ముకుంద వ‌రుణ్ కు ఆశించిన ఫ‌లితాన్నివ‌న్న‌ప్ప‌టికీ కంచె ఆ బాధ‌ను పూర్తిగా దూరం చేసేసింది.