దేవీశ్రీ ప్రసాద్ గాత్రం.. కృతిశెట్టి నృత్యం.. ఓల‌లాడించిన ఈశ్వ‌ర గీతం!

'ఉప్పెన' విజ‌యంలో కృతిశెట్టి అందం అభిన‌యం, దేవీశ్రీ ప్రసాద్ మ్యూజిక్ షేర్ ఎంతో ప్రత్యేకంగా చెప్పాల్సిన పనిలేదు. అద్బుతమైన న‌ట‌న‌తో క‌న్న‌డ బ్యూటీ స‌త్తా చాటితే.. అద్దిరిపోయే సంగీతంతో సినిమాకు టాప్ లెవల్ మైలేజ్ అందించాడు డీఎస్పీ.

అయితే.. లేటెస్ట్ గా శివరాత్రి సందర్భంగా యూట్యూబ్ లో ఓ వీడియో సాంగ్ రిలీజ్ చేసింది ఉప్పెన టీమ్. 'ఈశ్వరా.. పరమేశ్వరా' అంటూ సాగే పాటను డీఎస్పీ కంపోజ్ చేయ‌గా.. కూచిపూడి నృత్యంతో అల‌రించింది కృతిశెట్టి.చంద్ర‌బోస్ రాసిన ఈ గేయాన్ని.. డీఎస్పీ ఆలపించారు. బెంచ్ మార్క్ డిజిట‌ల్ రూపొందించింది. మైత్రీ మూవీ మేక‌ర్స్‌, సుకుమార్ రైటింగ్స్ నిర్మించాయి. యూట్యూబ్ లో మంచి ఇంప్రెష‌న్ ద‌క్కించుకున్న ఈ వీడియో సాంగ్‌.. 1 మిలియ‌న్ వ్యూస్ తో దూసుకెళ్తోంది.

అయితే.. ఈ వీడియో ద్వారా కృతిశెట్టి త‌న‌లోని మ‌రో యాంగిల్ ను ప్ర‌జెంట్ చేసింద‌ని చెప్పొచ్చు. ఉప్పెన‌లో త‌న అందంతో యువ‌త హృద‌యాన్ని కొల్ల‌గొట్టిన క‌న్న‌డ బ్యూటీ.. ఈ వీడియో సాంగ్ లో సంప్ర‌దాయ‌ నృత్యంతో ఆక‌ట్టుకుంది. ముఖ్యంగా కృతిశెట్టి హావ‌భావాలు హైలెట్ గా నిలిచాయి. ఈ వీడియో చూసిన నెటిజ‌న్లు కృతి పెర్ఫార్మెన్స్ కు ఫిదా అవుతున్నారు.