ఈసారి రక్తపాతమే అంటున్న బాలీవుడ్ క్వీన్.. దాకడ్ ఫస్ట్ లుక్ విడుదల!!

బాలీవుడ్ క్వీన్ కంగనా రనౌత్ సినిమాల పరంగా ఈమధ్య వేగం పెంచేసింది. ఓ వైపు సౌత్ సినిమాలు చేస్తూనే మరోవైపు బాలీవుడ్ సినిమాలను లైన్ లో పెడుతోంది. తాజాగా తను నటించిన దాకడ్ సినిమా ఫస్ట్ లుక్ విడుదల చేసింది చిత్రబృందం. బాలీవుడ్ లో లేడీ ఓరియెంటెడ్ సినిమాలకు పెట్టింది పేరు కంగనా. క్వీన్ సినిమా మొదలుకొని మొన్నటి తాజాగా తలైవి వరకు అన్ని మహిళా ప్రధాన సినిమాలే. కంగనా హీరోల సరసన గ్లామర్ అండ్ రొమాంటిక్ పాత్రలు చేసినప్పుడు ఫలితాలు ఎలా ఉన్నా.. లేడీ ఓరియెంటెడ్ మూవీలతో మాత్రం వరుస హిట్లను తన ఖాతాలో వేసుకుంటుంది. ఇక తాజాగా అమ్మడు నటించిన దాకడ్ ఫస్ట్ లుక్ సినీ ప్రేక్షకులను విపరీతంగా ఆకట్టుకుంటుంది. ఇటీవలే తమిళనాడు దివంగత లేడీ సీఎం జయలలిత బయోపిక్ పూర్తిచేసిన కంగనా.. దాకడ్ అనే సినిమాను కూడా విడుదలకు సిద్ధం చేసింది.

దాకడ్ సినిమా ఫస్ట్ లుక్‌ తో పాటు మూవీ రిలీజ్ డేట్‌ను కూడా ప్రకటించారు మేకర్స్. ఇక లేడీ ఓరియెంటెడ్ సినిమా అంటే అంతా సాఫ్ట్ లుక్ అంచనా వేస్తారు. కానీ దాకడ్ లో కంగనా లుక్ చూస్తే పక్కా షాక్ అవ్వాల్సిందే. అంత భీభత్సంగా కనిపిస్తుంది కంగనా. చేతిలో కత్తి పట్టుకొని రక్తం చిందిస్తున్న లుక్ లో కంగనాను చూస్తే ఈ సినిమాలో వయోలెంట్ గా ఉండబోతుందని తెలిసిపోతుంది. ఒక్కొక్కరిని నరుకుతూ దూసుకెళ్తున్నట్లుగా కనిపిస్తుంది. ఇక పోస్టర్ మొత్తం రక్తపాతంతో నింపేసింది కంగనా. అయితే ఈ సినిమాలో కంగనా.. అగ్ని అనే సీక్రెట్ ఏజెంట్ పాత్రలో కనిపించనుంది. అలా రహస్యంగా కంగనా ఈ సినిమాలో శత్రువుల ఆటకట్టిస్తుందని చెప్పకనే చెబుతున్నారు దర్శకనిర్మాతలు. ఈ ఏడాది అక్టోబర్ 1న దాకడ్ సినిమాను విడుదల చేస్తున్నట్లు డేట్ ప్రకటించారు. ఈ సినిమాకు రజనీష్ రాజీ ఘాయ్ దర్శకత్వం వహించగా.. దీపక్ ముకుత్, సోహైల్ మక్లాయ్ సంయుక్తంగా నిర్మిస్తున్నారు.