ధ‌మాకా ట్రైల‌ర్ దుమ్ములేపిందిగా!

సినిమా రిలీజ్ లు మ‌ళ్లీ ఊపందుకున్న సంగ‌తి తెలిసిందే. తెలుగు సినిమాల‌తో పాటు హిందీ సినిమాల స్పీడ్ జోరందుకుంది. మ‌హ‌రాష్ర్ట ప్ర‌భుత్వం థియేట‌ర్ల నిర్వ‌హ‌ణ‌కు కొవిడ్ నిబంధ‌న‌ల‌తో ఉత్త‌ర్వులు ఇవ్వ‌డంతో రిలీజ్ జాతర షురూ అయింది. పోస్ట్ ప్రొడ‌క్ష‌న్ ప‌నులు పూర్తిచేసుకున్న సినిమాలిప్పుడు ఒక్కొక్క‌టిగా సెన్సార్ ముందుకు వెళ్తున్నాయి. అలాగే ప్ర‌మోష‌న కార్య‌క్ర‌మాలు పెద్ద ఎత్తున నిర్వ‌హిస్తున్నారు. ఏడాదిన్న‌ర‌గా థియేట‌ర్లో సినిమా మ‌ర్చిపోయిన వినోద ప్రియుల‌కు మ‌ళ్లీ థియేట‌ర్ ఫీల్ ని ఎక్కించే ప్ర‌య‌త్నం చేస్తున్నారు ద‌ర్శ‌క‌, నిర్మాత‌లు. ప్ర‌చార కార్య‌క్ర‌మాల్లో భాగంగా పెద్ద ఎత్తున టీజ‌ర్..ట్రైల‌ర్ రిలీజ్ ఈవెంట్లు సెల‌బ్రేట్ చేస్తున్నారు.

ఇక ఓటీటీ ప్లాట్ ఫాంల‌పై రిలీజ్ అవ్వాల్సిన సినిమాలు య‌ధావిధిగా షెడ్యూల్ ప్ర‌కారం విడుద‌ల‌వుతున్నాయి. ఈ నేప‌థ్యంలో `ధ‌మాకా` చిత్రం కూడా న‌వంబ‌ర్ లో నెట్ ప్లిక్స్ లోరిలీజ్ కి రెడీ అవుతోంది. ఈ సంద‌ర్భంగా చిత్ర ట్రైల‌ర్ ని మేక‌ర్స్ అధికారికంగా రిలీజ్ చేసారు. ట్రైల‌ర్ ఆద్యంతం ఆక‌ట్టుకుంటుంది. ఉగ్ర‌వాద నేప‌థ్య‌మున్న క‌థాంశ‌మును ఆస‌క్తిక‌రంగా మ‌లిచిన‌ట్లు తెలుస్తోంది. ట్రైల‌ర్ లో బాంబ్ బ్లాస్టింగ్ యాక్ష‌న్ స‌న్నివేశాలు బాగున్నాయి. ఇది ఒక న్యూస్ రిపోర్ట‌ర్ చుట్టూ తిరిగే క‌థ‌. ఉగ్ర‌వాది బాంబు బెదిరింపుల పాల్ప‌డిన‌ప్పుడు ఆ జ‌ర్న‌లిస్ట్ జీవితం ఎలా ట‌ర్నింగ్ తీసుకుంది? అన్నది ప్ర‌ధానంగా సాగుతుంద‌ని ట్రైల‌ర్ లో రివీల్ చేసారు. ఆర్ ఆర్ ఆక‌ట్టుకుంటుంది. ఇంటెన్స్ యాక్ష‌న్ స‌న్నివేశాలు సీటు ఎడ్జ్ ని కూర్చోబెడుతాయ‌ని టీమ్ ధీమా వ్య‌క్తం చేసింది.

ఇందులో కార్తీక్ ఆర్య‌న్.. మృణాల్ ఠాకూర్ హీరో..హీరోయిన్ల‌గా న‌టిస్తున్నారు. అమృతా సుభాష్ కీల‌క పాత్ర పోషిస్తున్నారు. నీర్జా ఫేమ్ రామ్ మాద్వాని ద‌ర్శ‌క‌త్వం వ‌హిస్తున్నారు. `ధ‌మాకా` ఓ కొరియ‌న్ చిత్రానికి రీమేక్ వెర్ష‌న్. 2013 లో `ది టెర్ర‌ర్` లైవ్ అనే కొరియ‌న్ సినిమా విడుద‌లైంది. అప్ప‌ట్లో ఈ కొరియ‌న్ మూవీ వ‌ర‌ల్డ్ వైడ్ మంచి విజ‌యం సాధించింది. ఈ నేప‌థ్యంలో బాలీవుడ్ మేక‌ర్స్ దానికి రీమేక్ గా హిందీలో తెర‌కెక్కించిన‌ట్లు తెలుస్తోంది. న‌వంబ‌ర్ 19న నెట్ ప్లిక్స్ లో రిలీజ్ కానుంది.