ఆ స్టార్ హీరోతో మ‌రో ఖాకీనా?

కోలీవుడ్ యువ సంచ‌ల‌నాల్లో హెచ్. వినోధ్ ఒక‌రుగా దూసుకుపోతున్న సంగ‌తి తెలిసిందే. ఖాకీ సినిమాతో పాన్ ఇండియాలోనే ఫేమ‌స్ అయ్యారు. యాక్ష‌న్ థ్రిల్ల‌ర్ ఖాకీ తో వినోద్ పేరు టాలీవుడ్ లోనూ మారుమ్రోగిపోయింది. అటుపై పింక్ రీమేక్ తో మ‌రో స‌క్సెస్ అందుకున్నారు. అత‌నిలో ఆ ప్ర‌తిభ‌ని గుర్తించే బాలీవుడ్ నిర్మాత బోనీ క‌పూర్ అదే ద‌ర్శ‌కుడితో బ్యాక్ టూ బ్యాక్ సినిమాలు చేస్తున్నారు.

`పింక్` రీమేక్ అనంత‌రం `వ‌లిమై`తో మ‌రో భారీ యాక్ష‌న్ ఎంట‌ర్ టైన‌ర్ తెర‌కెక్కించి దాన్ని పెద్ద స‌క్స‌స్ చేసారు. వీట‌న్నింటికంటే ముందే `శ‌త్రుంగు వెట్టై`తోనే స‌క్సెస్ సొంతం చేసుకున్నారు. ప్ర‌స్తుతం ఈ సినిమాకీ సీక్వెల్ కూడా తెర‌కెక్కిస్తున్నారు. అలాగే అజిత్ హీరోగా మ‌రోవైపు `తునివ్` చిత్రాన్ని కూడా వినోద్ తెర‌కెక్కిస్తున్నారు. ఇలా ఇప్ప‌టివ‌ర‌కూ అప‌జ‌య‌మెరుగ‌ని ద‌ర్శ‌కుడిగా వినోద్ వెలిగిపోతున్నారు.

దీంతో స్టార్ హీరోలే అత‌నితో ప‌ని చేయ‌డానికి క్యూలో ఉన్నారు. అత‌ని స‌క్సెస్ లు చూసి ఏకంగా విశ్వ‌న‌టుడు క‌మ‌ల్ హాస‌న్ పి పిలిచి మ‌రీ అత‌ని 233వ సినిమాకు అవ‌కాశం ఇచ్చారు. ప్ర‌స్తుతం సెట్స్లో ఉన్న చిత్రాలు పూర్తి కాగానే క‌మ‌ల్ చిత్రాన్ని ప్రారంభించ‌నున్నారు. ఈ నేప‌థ్యంలో వినోద్ కోసం మ‌రో స్టార్ డైరెక్ట‌ర్ కూడా అంత‌కుమంచిన ఎగ్టైట్ మెంట్ తో ఎదురుచూస్తున్న‌ట్లు తెలుస్తోంది.

ధ‌నుష్ కూడా అత‌నితో ఓ సినిమాకి ఒప్పందం చేసుకున్న విషయం ఆల‌స్యంగా వెలుగులోకి వ‌చ్చింది. రెండు..మూడు నెల‌ల క్రిత‌మే ఇద్ద‌రి మ‌ద్య స్ర్కిప్ట్ చ‌ర్చ‌లు పూర్త‌య్యాయ‌ట‌. వినోద్ గ్రీన్ స‌గ్నెల్ ఇస్తే ముందుగా అత‌ని ప్రాజెక్ట్ నే సెట్స్ పైకి తీసుకెళ్ల‌లాని భావించారుట‌. కానీ అత‌ని బిజీ షెడ్యూల్ నేప‌థ్యంలోధనుష్ వేరే సినిమాలు క‌మిట్ అయిన‌ట్లు తెలుస్తోంది.

ప్ర‌స్తుతం ధ‌నుష్ హీరోగా `వాతి`..`కెప్టెన్ మిల్ల‌ర్` చిత్రాలు చేస్తున్నారు. ఈ సినిమాలు షూటింగ్ పూర్తియ‌న త‌ర్వాత వినోద్ చిత్రాన్ని సెట్స్ పైకి తీసుకెళ్ల‌నున్నారని తెలుస్తోంది. ఈలోపు క‌మ‌ల్ సినిమా కూడా షూటింగ్ పూర్త‌వుతుంది.

ధ‌నుష్ తో తెర‌కెక్కించ‌బోయే సినిమా కాప్ స్టోరీ అని స‌మాచారం. `ఖాకీ` త‌ర‌హాలో సాగే యాక్ష‌న్ థ్రిల్ల‌ర్ అని స‌మాచారుం. ఈ క‌థ కూడా కొన్ని వాస్త‌వ సంఘ‌ట‌న‌లు ఆధారంగా అల్లుకున్న‌ట్లు కోలీవుడ్ వ‌ర్గాల స‌మాచారం. ఇదే నిజ‌మైతే మ‌రోసారి వినోద్ ఖాకీ స‌క్సెస్ ఫార్ములాతోనే వ‌స్తున్న‌ట్లు చెప్పొచ్చు.