ప్రేమమ్-3 సన్నాహాలు మొదలయ్యాయి

ఇంకా ప్రేమమ్-2నే మొదలవ్వలేదు. అప్పుడే ప్రేమమ్-3 ఏంటని అనుకుంటున్నారా? మలయాళ వెర్షన్ ప్రేమమ్-1 అనుకుంటే మన తెలుగులో ‘మజ్ను’ పేరుతో రీమేక్ కాబోయేది ప్రేమమ్-2. ఇక్కడ ప్రేమమ్-3గా చెబుతోంది తమిళ వెర్షన్ గురించి. మలయాళ వెర్షన్‌ తోనే తమిళ ప్రేక్షకుల్ని కట్టి పడేసిన ‘ప్రేమమ్’ను తమిళంలోకి రీమేక్ చేయాలా వద్దా అనే విషయంలో చాలా కాలంగా తర్జన భర్జనలు నడుస్తున్నాయి. ఈ సినిమా రీమేక్ హక్కుల్ని ధనుష్ తీసుకున్నాడని.. విజయ్ సేతుపతి హీరోగా నటిస్తాడని కొంత కాలంగా ప్రచారం జరుగుతోంది. కానీ క్లారిటీ లేదు.

ఐతే తాజా సమాచారం ఏంటంటే ధనుష్ భార్య ఐశ్వర్య ఈ సినిమాను తనే తమిళంలో తీయాలని ఫిక్సయిందట. ఇంతకుముందు 3 - వై రాజా వై సినిమాలు రూపొందించిన ఐశ్వర్య.. ప్రేమమ్ సినిమాను తమిళంలో రీక్రియేట్ చేయాలని భావిస్తోందట. విజయ్ సేతుపతే హీరో అని సమాచారం. ధనుష్ నిర్మిస్తాడట. మలయాళంలో మలర్ పాత్రలో మెస్మరైజ్ చేసిన సాయి పల్లవిని హన్సికతో కానీ.. శ్రుతి హాసన్ తో కానీ రీప్లేస్ చేస్తారట. తెలుగులో ఆ పాత్రను శ్రుతినే చేస్తున్న సంగతి తెలిసిందే. మిగతా ఇద్దరు హీరోయిన్లను ఎంపిక చేయాల్సి ఉంది. కొలవెరి కుర్రాడు అనిరుధ్ ఈ చిత్రానికి సంగీతాన్నందిస్తాడు.