మూడు గెట‌ప్పుల‌తో ధ‌నుష్ భారీ ప్ర‌యోగం

జ‌యాప‌జ‌యాల‌తో ప‌ని లేకుండా వ‌రుస‌గా వైవిధ్య‌మైన చిత్రాల్లో న‌టిస్తున్నాడు ధ‌నుష్‌. ఇటీవ‌ల అవెంజ‌ర్స్ ఫేం ర‌స్సో బ్ర‌ద‌ర్స్ తెర‌కెక్కిస్తున్న హాలీవుడ్ చిత్రంలోనూ న‌టిస్తున్నాడు. అత‌డు తెలుగు స్ట్రెయిట్ మూవీకి స‌న్నాహ‌కాలు చేయ‌డం తెలిసిందే.

తాజాగా ధనుష్  కొత్త సినిమాని ఎనౌన్స్ చేశాడు. 'కెప్టెన్ మిల్లర్' అనే టైటిల్ తో తెరకెక్కుతున్న ఈ యాక్షన్ అడ్వెంచర్ చిత్రానికి అరుణ్ మాథేశ్వరన్ దర్శకత్వం వహించనున్నారు. ఈ సినిమా ఎనౌన్స్ మెంట్ టీజర్ కు అభిమానులు సినీ ప్రేమికుల నుంచి మంచి స్పందన వస్తోంది.

1930- 40 కాలంలోని మద్రాస్ ప్రెసిడెన్సీ నేపథ్యంలో సాగే ఈ యాక్షన్ థ్రిల్లర్ లో ధనుష్ 3 విభిన్నమైన లుక్స్ లో కనిపిస్తాడని తెలిసింది.  ఈ విషయాన్ని దర్శకుడే ఇటీవల ఓ ఇంటర్వ్యూలో వెల్లడించాడు.

ధ‌నుష్ ఇంత‌కుముందు ద్విపాత్ర‌ల‌తో అద‌ర‌గొట్టాడు. ఇప్పుడు త్రిపాత్రాభిన‌యానికి రెడీ అవుతున్నాడు. ఇది ధనుష్ అభిమానులకు గొప్ప ట్రీట్ అవుతుంది.

సత్యజ్యోతి ఫిల్మ్స్ పతాకంపై సెంధిల్ త్యాగరాజన్ - అర్జున్ త్యాగరాజన్ నిర్మిస్తున్న ఈ చిత్రానికి జీవీ ప్రకాష్ కుమార్ సంగీతం అందిస్తున్నారు. ఈ సినిమా తమిళం- తెలుగు- హిందీ భాషల్లో ఏకకాలంలో విడుదల కానుంది. ఇది కూడా ధ‌నుష్ న‌టించిన పాన్ ఇండియా చిత్రంగా బ‌జ్ తెస్తుందేమో చూడాలి.