‘D43’ సెట్స్ లో ధ‌నుష్ - మాళ‌విక సంద‌డి!

వైవిధ్య‌మైన న‌ట‌న‌తో.. విభిన్న‌మైన చిత్రాల‌తో.. కోలీవుడ్ లో త‌న‌దైన బ్రాండ్ క్రియేట్ చేసుకున్న న‌టుడు ధ‌నుష్‌. ఆయ‌న అప్ క‌మింగ్ మూవీ.. కార్తీక్‌ నరేన్‌ దర్శకత్వంలో తెరకెక్కుతోంది. ‘D43’అనే వర్కింగ్‌ టైటిల్ తో మొదలైన ఈ చిత్రం షూటింగ్.. శరవేగంగా కొనసాగుతోంది.

ఈ సినిమాలో ధనుష్ స‌ర‌స‌న మాళవికా మోహన్ హీరోయిన్ గా నటిస్తోంది. సూప‌ర్ స్టార్‌ రజనీకాంత్ ‘‌పేట’ సినిమాతో తమిళ్ ఇండస్ట్రీకి పరిచయమైన మాళవిక.. దళపతి విజయ్ లేటెస్ట్ మూవీ ‘మాస్టర్’లోనూ నటించింది. సత్యజ్యోతి ఫిల్మ్స్‌ బ్యానర్‌పై నిర్మిస్తున్న ఈ ‘D43’ మూవీకి జి.వి.ప్రకాష్‌ స్వరాలు స‌మ‌కూరుస్తున్నారు.

కాగా..ఈ చిత్రం ఫ‌స్ట్ షెడ్యూల్ తాజాగా కంప్లీట్ అయ్యింది. దీంతో నెక్స్ట్ షెడ్యూల్ ప్లాన్ చేస్తున్నారు మేకర్స్. ఈ సందర్భంగా.. హీరో ధనుష్, హీరోయిన్ మాళవిక సెట్స్ లో సందడి చేస్తున్న ఫొటోలు సోషల్ మీడియాలో చక్కర్లు కొడుతున్నాయి. ఈ సినిమా సక్సెస్ ద్వారా టాప్ హీరోయిన్ రేసులోకి దూసుకెళ్లాలని మాళవిక చూస్తుండగా.. మరో బ్లాక్ బస్టర్ ను తన ఖాతాలో వేసుకోవాలని ధనుష్ భావిస్తున్నాడు.