ట్రైలర్ టాక్: రైలు ఎక్కిన టెర్రరిస్టులు

కోలీవుడ్ మూవీ తొడరి.. తెలుగులో రైల్ అనే టైటిల్ పై డబ్బింగ్ అవుతోంది. ధనుష్ హీరోగా నటించిన ఈ మూవీలో.. నేను శైలజ ఫేమ్ కీర్తి సురేష్ హీరోయిన్. విభిన్నమైన స్టోరీలను సినిమాలుగా అందించే ధనుష్.. రైల్ లో కూడా కొత్తగా ప్రయత్నించాడనే విషయం.. తాజాగా రిలీజ్ చేసిన ట్రైలర్ చూస్తే అర్ధమవుతుంది.

ఢిల్లీ నుంచి చెన్నై బయల్దేరిన ఓ రైల్ లో ప్యాంట్రీ కార్ బాయ్ గా ధనుష్ నటించగా.. అతనికి జోడీగా కీర్తి సురేష్ డీగ్లామరస్ రోల్ లో కనిపించనుంది. దాదాపుగా సినిమా అంతా రైల్ లోనే ఉంటుందనే విషయం ట్రైలర్ లో తేలిపోయింది. అయితే.. ఈ ట్రైన్ ను హైజాక్ చేశారనడం.. ఆ హైజాకింగ్ చేసిన టెర్రరిస్ట్ టీంకి కీర్తి సురేష్ ని లీడర్ అనడం ఆశ్చర్యం కలిగించే విషయాలు. ట్రైన్ ని హెలికాప్టర్ తో ఛేజ్ చేయడం లాంటి విజువల్స్ పరంగా అయితే.. సినిమా గ్రాండ్ గా ఉంది. తనే వాసిం ఖాన్ అంటూ ధనుష్ పాత్ర పోలీసులకు చెప్పడం కూడా సస్పెన్స్ క్రియేట్ చేసే అంశమే. మొత్తం ట్రైన్ లోనే పిక్చరైజ్ చేసేసినా.. ఎక్కడా ఆ ఫీలింగ్ కూడా కలగనివ్వలేదంటే.. డైరెక్టర్ ట్యాలెంట్ ని అర్ధం చేసుకోవచ్చు.

రఘువరన్ బీటెక్ తర్వాత.. ధనుష్ సినిమాలకు టాలీవుడ్ లో కూడా మార్కెట్ బాగానే పెరిగింది. ఇక మలయాళీ బ్యూటీ కీర్తి సురేష్ పెర్ఫామెన్స్ కి ఫిదా అయిపోయిన ఫ్యాన్స్ మనోళ్లు చాలామందే ఉన్నారు. మొత్తం మీద రైల్ మూవీ చాలానే ఆసక్తిని కలిగిస్తోంది. సెప్టెంబర్ 16 తమిళ్ తొడరి రిలీజ్ కానుండగా.. తెలుగు రైల్ కు ఇంకా అధికారికంగా ప్రకటించాల్సి ఉంది.