బెంగళూరులో మెగా రచ్చ మామూలుగా లేదు

కర్నాటకలో తెలుగు సినిమాలు పిచ్చపిచ్చగా ఆడేస్తుంటాయ్. అక్కడ తెలుగు జనాలు ఎక్కువగా ఉండడంతో పాటు.. టాలీవుడ్ సినిమాలు శాండల్ వుడ్ కంటే అడ్వాన్సెడ్ గా ఉండడం మరో కారణం. మెగా సినిమాలకు కర్నాటకలో విపరీతమైన డిమాండ్ ఉంటుంది. త్వరలో రిలీజ్ కానున్న ధృవ మూవీ కోసం కూడా కన్నడ జనాలు ఆతృతగా ఎదురు చూసేస్తున్నారు.

ప్రస్తుతం కన్నడ ఛానళ్లలో ధృవ ట్రైలర్ మీద స్పెషల్ ప్రోగ్రామ్స్.. ఎపిసోడ్స్ తెగ నడిచేస్తున్నాయి. వీటన్నిటినీ కర్నాటక చరణ్ ఫ్యాన్స్ తెగ షేర్ చేసేసుకుంటున్నారు. వీడియోలతో పాటు.. వాటిని స్క్రీన్ షాట్స్ కింద తీసి రచ్చ రచ్చ చేసేస్తున్నారు. సిక్స్ ప్యాక్ అథ్లెటిక్ బాడీతో చరణ్ లుక్ ఇప్పుడు కర్నాటకలో ట్రెండింగ్ అయిపోతోంది. చెర్రీ లుక్ కి ఫ్లాట్ అయిపోయిన కన్నడ మెగా ఫ్యాన్స్.. కర్నాటకలో ఈ మూవీ బ్లాక్ బస్టర్ కావాలంటూ పూజా పునస్కారాలు కూడా మొదలుపెట్టేశారు.

ఇక డిసెంబర్ 9న ప్రపంచవ్యాప్తంగా గ్రాండ్ రిలీజ్ కానుంది ధృవ. రకుల్ ప్రీత్ అందాలు స్పెషల్ అట్రాక్షన్ కాగా.. సిద్ధార్ధ అభిమన్యుగా అరవింద్ స్వామి చూపించే విలనిజం.. ధృవకి ఆయువుపట్టు.



Like Us on Facebook : https://www.facebook.com/Tupakidotcom/