పురుషాంగంపై కాలుష్య ప్రభావం: దియా మీర్జా

మామూలుగా పురుషాంగాల గురించి మాట్లాడడానికి పురుషులే కాస్త సంకోచిస్తారు. కానీ ఈ బాలీవుడ్ హీరోయిన్ మాత్రం ఏకంగా పురుషాంగానికే ముప్పు వచ్చిందని బోల్డ్ ప్రకటన ఇచ్చింది. అదిప్పుడు వైరల్ గా మారింది.

మోడల్, నటి నిర్మాత కూడా అయిన ‘దియా మీర్జా ’ అప్పుడు ఎప్పుడో మిస్ ఆసియా పసిఫిక్ ఇంటర్నేషనల్ టైటిల్ ను అందుకున్నారు. వాతావరణ మార్పుల గురించి జాతీయ, అంతర్జాతీయ వేదికలపై సుధీర్ఘంగా దియా మాట్లాడుతారు. కార్బన్ ఉద్గారాలు తగ్గించడం.. ప్రకృతి వనరుల వినియోగం.. పర్యావరణ పరిరక్షణకు మార్గాలను అన్వేషించాలని చెబుతుంటారు.

సినిమా షూటింగ్ లలోనూ ఆమె పర్యవరణ హిత వస్తువులనే వాడుతుంటారు. అవకాశం ఉన్న ప్రతిచోటా పర్యావరణానికి ఏమాత్రం హాని చేయని విధంగా నడుచుకుంటుంది.

తాజాగా దియా మీర్జా షేర్ చేసిన ఓ న్యూస్ ఆర్టికల్ ఇప్పుడు సోషల్ మీడియాలో చర్చనీయాంశమైంది. కాలుష్యం వల్ల పురుషుల అంగ పరిమాణం తగ్గిపోతుందంటూ ‘స్కై న్యూస్’లో ఓ ఆర్టికల్ ప్రచురించింది. ఈ వార్తను షేర్ చేసిన దియా ‘వాతావరణ సంక్షోభం, గాలి కాలుష్యాన్ని ప్రపంచం ఇప్పటికైనా సీరియస్ గా తీసుకుంటుందని భావిస్తున్నాం’ అని రాసుకొచ్చింది.

హైదరాబాదీ అయిన దియా మీర్జా ఇటీవలే రెండో పెళ్లి చేసుకొని మల్దీవులకు రెండో హానిమూన్ కు వెళ్లింది. ప్రస్తుతం ఈమె ‘వైల్డ్ డాగ్’ మూవీలో నటిస్తోంది.