Begin typing your search above and press return to search.
99లో గణేషుడి సాంగ్‌ అదిరింది
By: Tupaki Desk | 18 Sep 2015 11:24 AM GMTబాల‌య్య‌బాబు.. డిక్టేట‌ర్ జెట్‌ స్పీడ్ తో తెర‌కెక్కుంతోంది. శ్రీ‌వాస్ ప‌నిలో స్పీడ్ చూపిస్తున్నాడు. చిత్రీక‌ర‌ణ ముగింపులో ఉంది. ఈ సినిమాలో ఓ పాట‌ను నిన్న‌టి రోజున ఖైర‌తాబాద్ వినాయ‌కుడి చెంత రిలీజ్ చేశారు. గ‌ణేషుని స్థుతిస్తూ సాగే పాట కాబట్టి సెంటిమెంట‌ల్‌ గా అక్క‌డ రిలీజ్ చేశారు. ఇటు నైజాంలో బాల‌య్య బాబు అభిమానుల్ని సంతృప్తి ప‌ర‌చాల‌నే ఈ ప్ర‌య‌త్నం అని శ్రీ‌వాస్ చెప్పాడు.
థమన్‌ కంపోజ్‌ చేసిన ఈ పాట లిరిక్ అదిరిపోయింది. గంగంగం గ‌ణేషా జ‌న మాన‌స నిత్య నివాస.. అంటూ సాగే ఈ పాట అల్టిమేట్ రిథ‌మ్‌ తో సాగుతోంది. ముఖ్యంగా ఇందులో ఆరంభం ఎన్ బికె వాయిస్ అభిమానుల‌కు పండ‌గ తెచ్చేదిగా ఉంది. తెలంగాణ ఆంద్ర‌ప్ర‌దేశ్ లోని తెలుగువారికి, ప్ర‌పంచ‌వ్యాప్తంగా ఉన్న తెలుగువారికి, త‌ర‌త‌రాలుగా వెన్ను ద‌న్నుగా నిలిచిన నా నాఅభిమానులంద‌రికీ ఈపాట‌ను కానుక‌గా ఇస్తున్నాన‌ని బాల‌య్య చెప్పారు. ఈ గ‌ణేషుని పాట నా 99వ సినిమాలోనిది. మీకోసం కానుక‌గా ఈ పాట‌ని రిలీజ్ చేస్తున్నందుకు సంతోషంగా ఉంది. గ‌ణేషుని ఆశీస్సుల‌తో మీరంతా సుఖంగా - ఆరోగ్య - సంప‌ద‌ల‌తో తులాతూగాల‌ని కోరుకుంటున్నా అటూ బాల‌య్య స్పీచ్ ఇచ్చారు.
పాట‌తోనే ప్ర‌చారం కాన్సెప్టు బావుంది. అల్టిమేట్ గా ఉంది. బాల‌య్య‌బాబు - శ్రీ‌వాస్ ప్లానింగ్ చాలా బావుంది. గ‌ణేషుని ఆశీస్సులు యూనిట్‌ కి ఎలానూ ఉన్నాయి. కాబట్టి 99వ సినిమాతో బాల‌య్య హిట్ కొడ‌తాడేమో చూడాలి.
