ఆనంద్ దేవరకొండ మరో లక్కీఛాన్స్ కొట్టేశాడా..??

టాలీవుడ్ ఇండస్ట్రీలో విజయ్ దేవరకొండ ప్రస్తుతం స్టార్ హీరోగా స్టార్డం సంపాదించుకొని వరుస సినిమాలతో బిజీగా ఉన్న సంగతి తెలిసిందే. అయితే విజయ్ తమ్ముడు ఆనంద్ దేవరకొండ కూడా ఇండస్ట్రీలో తనకంటూ ప్రత్యేక గుర్తింపు తెచ్చుకునే ప్రయత్నం చేస్తున్నాడు. మొదట్లో విజయ్ దేవరకొండ వేరే హీరోల సినిమాలలో సపోర్టింగ్ క్యారెక్టర్స్ పోషించి ఆ తర్వాత హీరోగా మారి స్టార్ స్టేటస్ అందుకున్నాడు.

అయితే తమ్ముడు ఆనంద్ దేవరకొండ వేరే హీరోల సినిమాలలో నటించకుండా దొరసాని అనే సినిమాతో డైరెక్ట్ హీరోగా ఎంట్రీ ఇచ్చాడు. అయితే ఆ సినిమా బాక్సాఫీస్ వద్ద ఆశించిన స్థాయిలో విజయం సాధించలేదు. అయితే ఇటీవల మంచి ఫ్యామిలీ ఓరియెంటెడ్ కాన్సెప్ట్ 'మిడిల్ క్లాస్ మెలోడీస్' అనే సినిమాతో మళ్లీ ప్రేక్షకుల ముందుకు వచ్చి మంచి విజయం అందుకున్నాడు. ఆ సినిమా థియేటర్లో విడుదల కాలేదు కానీ అయితే వేరేలా ఉండేదేమో అనిపిస్తుంది.

గుంటూరు బ్యాక్ డ్రాప్ లో పూర్తిగా ఎంటర్టైన్మెంట్ తో తెరకెక్కించారు మేకర్స్. అయితే ఆ హిట్ తర్వాత ప్రస్తుతం మరో సినిమా చేస్తూనే ఉన్నాడు ఆనంద్. అయితే తాజాగా మరో కొత్త సినిమాలో అవకాశం అందుకున్నట్లు వార్తలు వినిపిస్తున్నాయి. ఆనంద్.. బడా ప్రొడ్యూసర్ దగ్గుబాటి సురేష్ దృష్టిలో పడినట్లు తెలుస్తుంది. అయితే ఈ మధ్య డిఫరెంట్ సినిమాలకు ఓకే చెబుతున్నాడు. మిడిల్ క్లాస్ మూవీతో తనలోని మంచి నటుడుని బయటికి తీసాడు ఆనంద్.

డిఫరెంట్ సినిమాలతో ముందుకు వెళ్తున్న ఆనంద్.. సురేష్ ప్రొడక్షన్స్ బ్యానర్ లో ఛాన్స్ కొట్టేసినట్లు టాక్. 118 సినిమాతో డైరెక్టర్ గా మారిన కేవి గుహన్ దర్శకత్వంలో ఈ మూవీ తెరకెక్కనుందట. ఎంతో అనుభవం ఉన్న సురేష్ బాబు గుహన్ స్టోరీని ఓకే చేశాడంటే.. ఏదో పెద్ద మేటర్ ఉండే ఉంటుందని అంచనా వేస్తున్నారు. అయితే ఆనంద్ ఆ సినిమాలో నటిస్తే గనక లక్కీ ఛాన్స్ కొట్టేసాడని చెప్పవచ్చు. ప్రస్తుతం కేవీ గుహన్ 'హూ వేర్ వై' అనే థ్రిల్లర్ మూవీ రూపొందిస్తున్నాడు. అయితే ఆనంద్ తో సినిమా గురించి త్వరలో అప్డేట్ రానుందని సమాచారం.