అన‌న్య మ‌ళ్లీ అడ్డంగా బుక్క‌యినట్టేనా?

రౌడీ స్టార్ విజ‌య్ దేవ‌ర‌కొండ న‌టించిన మిక్స్డ్ మార్ష‌ల్ ఆర్ట్స్ మూవీ 'లైగ‌ర్‌'. వెర్స‌టైల్ డైరెక్ట‌ర్ పూరి జ‌గ‌న్నాథ్ అత్యంత ప్ర‌తిష్టాత్మ‌కంగా తెర‌కెక్కించిన ఈ మూవీని బాలీవుడ్ స్టార్ ప్రొడ్యూస‌ర్ క‌ర‌ణ్ జోహార్ తో క‌లిసి పూరి, ఛార్మి సంయుక్తంగా భారీ స్థాయిలో నిర్మించారు. పాన్ ఇండియా మూవీగా తెలుగు, త‌మిళ‌, మ‌ల‌యాళ‌, క‌న్న‌డ‌, హిందీ భాష‌ల్లో ఈ మూవీని రిలీజ్ చేస్తున్నారు. వ‌ర‌ల్డ్ ఫేమ‌స్ బాక్స‌ర్ మైక్ టైస‌న్ కీల‌క అతిథి పాత్ర‌లో న‌టించిన ఈ మూవీ ఆగ‌స్టు 25న అత్యంత భారీ స్థాయిలో రిలీజ్ అవుతోంది.

సినిమా రిలీజ్ మ‌రో ఐదు రోజులున్న నేప‌థ్యంలో ఈ మూవీపై కి బాయ్ కాట్ సెగ ఉక్కిరి బిక్కిరి చేస్తోంది. దీనికి బాలీవుడ్ ప్రొడ్యూస‌ర్ క‌ర‌ణ్ జోహార్‌, హీరోయిన్ అన‌న్య పాండే కార‌ణం కాగా.. బాలీవుడ్ మీడియాకు ఇచ్చిన ఇంట‌ర్వ్యూలో హీరో విజ‌య్ దేవ‌ర‌కొండ బాయ్ కాట్ చేసుకుంటే చేసుకోనివ్వండి అంటూ చేసిన కామెంట్ కూడా ఇప్పుడు ఈ ప్రాజెక్ట్ కు పెద్ద అడ్డంకిగా మారింది. నెట్టింట #BoycottLigerMovie అంటూ ట్రెండ్ అవుతుంటే మ‌రో ప‌క్క విజ‌య్ దేవ‌ర‌కొండ ఫ్యాన్స్ #UnstoppableLIGER అంటూ ట్రెండ్ చేస్తున్నారు.

#UnstoppableLIGER కు ట్విట్ట‌ర్ కూడా స‌పోర్ట్ గా నిల‌వ‌డం విశేషం. ఇదిలా వుంటే మ‌రో అంశం కూడా లైగ‌ర్ కు ఇబ్బందిక‌రంగా మారే అవ‌కాశం వుంద‌ని వార్త‌లు వినిపిస్తున్నాయి. ఇటీవ‌ల మ‌రో బాలీవుడ్ మీడియాకు సినిమా ప్ర‌మోష‌న్స్ లో భాగంగా హీరో విజ‌య్ దేవ‌ర‌కొండ‌, హీరోయిన్ అన‌న్య పాండే, ర‌మ్య‌కృష్ణ క‌లిసి ప్ర‌త్యేకంగా ముచ్చటించారు. ఈ సంద‌ర్భంగా యాంక‌ర్ అడిగిన ప‌లు ప్ర‌శ్న‌ల‌కు విజ‌య్ దేవ‌ర‌కొండ‌, హీరోయిన్ అన‌న్య పాండే, ర‌మ్య‌కృష్ణ ప‌లు ఆస‌క్తిక‌ర స‌మాధానాలు చెప్పారు.

అయితే ఇండియ‌న్ సినిమాకు టైగ‌ర్ ఎవ‌రు? ల‌య‌న్ ఎవ‌రు అని ప్ర‌శ్నిస్తే ఒక్కొక్క‌రు ఒక్కోలా స‌మాధానం చెప్ప‌డం ఆస‌క్తిక‌రంగా మారింది. విజ‌య్ దేవ‌ర‌కొండ మాత్రం మెగాస్టార్ చిరంజీవి, ర‌జ‌నీకాంత్ ఇండియ‌న్ సినిమా టైగ‌ర్ అండ్ ల‌య‌న్ అంటూ స‌మాధానం చెబితే ర‌మ్య‌కృష్ణ మాత్రం అమితాబ్ బ‌చ్చ‌న్ అండ్ ర‌జ‌నీకాంత్ అని చెప్పింది.

కానీ 'లైగ‌ర్‌' హీరోయిన్ అన‌న్య పాండే చెప్పిన స‌మాధానం ఇప్పుడు 'లైగ‌ర్‌'కు సరికొత్త త‌ల‌నొప్పులు తెచ్చిపెట్టేలా క‌నిపిస్తోంద‌నే కామెంట్ లు వినిపిస్తున్నాయి.

విజ‌య్ దేవ‌ర‌కొండ.. మెగాస్టార్ చిరంజీవి, ల‌య‌న్‌ ర‌జ‌నీకాంత్ ఇండియ‌న్ సినిమా టైగ‌ర్ అండ్ ల‌య‌న్ అని, ర‌మ్య‌కృష్ణ మాత్రం అమితాబ్ బ‌చ్చ‌న్ అండ్ ర‌జ‌నీకాంత్ అని చెబితే అన‌న్య మాత్రం స‌ల్మాన్ ఖాన్ అండ్ షారుఖ్ ఖాన్ ఇండియన్ సినిమా టైగ‌ర్ అండ్ ల‌య‌న్ అంటూ స‌మాధానం చెప్పి అడ్డంగా బుక్కైంది. ఇప్ప‌టికే ఖాన్ ల‌పై దేశ వ్యాప్తంగా నిర‌స‌న జ్వాల‌లు చెల‌రేగుతున్న నేప‌థ్యంలో అన‌న్య పాండే ఇండియ‌న్ సినిమాకు స‌ల్మాన్ ఖాన్ టైగ‌ర్‌, షారుఖ్ ఖాన్ ల‌య‌న్ అని చెప్పిడం ఆగ్నికి ఆజ్యం పోసిన‌ట్ట‌యింద‌ని అంతా కామెంట్ లు చేస్తున్నారు.