శ్ర‌ద్దా క‌పూర్ చేసిన త‌ప్పునే అన‌న్య పాండే రిపీట్ చేసిందా?

ఆశ‌కి..అత్యాశ‌కి మ‌ధ్య తేడా చిన్న‌దే. ఆ తేడాని గ‌మ‌నించిక‌పోతే అధోగ‌తే. అవును ఇప్పుడీ ప‌దాన్ని ఓ హీరోయిన్ విష‌యంలో గుర్తు చేసుకోవాల్సి వ‌స్తుంది. ఇటీవ‌లే `లైగ‌ర్` సినిమాతో బాలీవుడ్ యంగ్ బ్యూటీ అన‌న్య పాండే టాలీవుడ్ కి ప‌రిచ‌య‌మైన సంగ‌తి తెలిసిందే. సినిమా రిలీజ్ కి ముందు అమ్మ‌డికి అగ్ర హీరోల చిత్రాల్లో అవ‌కాశాలు వ‌స్తున్న‌ట్లు జోరుగా ప్ర‌చారం సాగింది.

యంగ్ టైగ‌ర్ ఎన్టీఆర్ 30వ చిత్రంలో అలియాభ‌ట్ ఎగ్జిట్ అయిన త‌ర్వాత అన‌న్య‌ని సంప్ర‌దించిన‌ట్లు వెలుగులోకి వ‌చ్చింది. అలాగే మ‌రికొన్ని చిత్రాల్లోనూ ఆఫ‌ర్లు వ‌చ్చిన‌ట్లు ప్ర‌చారం సాగింది. కానీ అన‌న్య పాండే లైగ‌ర్ ఫ‌లితం త‌ర్వాత డిసైడ్ చేద్దాం? అన్న కోణంలో వాటిని తిరస్క‌రించిన‌ట్లు మీడియాలో ప్ర‌చారం సాగింది. లైగ‌ర్ హిట్ అయితే అధిక పారితోషికంతో ఆ చిత్రాల్ని లాక్ చేయాల‌న్నిది అన‌న్య ప్లాన్ గా క‌నిపించింద‌ని నెట్టింట ప్ర‌చారం సాగింది.

కానీ `లైగ‌ర్` ప‌రాజ‌యంతో మొద‌టికే ముప్పు వ‌చ్చింద‌న్న‌ది లేటెస్ట్ అప్డేట్. లైగ‌ర్ కి ముందు ఎగ‌బ‌డిని నిర్మాత‌లెవ‌రూ ఇప్ప‌డు అన‌న్య వైపు చూడ‌టం లేద‌ని వినిపిస్తుంది. ఎన్టీఆర్ 30వ సినిమా హీరోయిన్ విష‌యంలో కియారా అద్వాణి.. ర‌ష్మిక మంద‌న్న‌..కృతి స‌న‌న్ పేర్లు తెర‌పైకి వ‌స్తున్నాయి. వీళ్ల ముగ్గురిలో ఎవ‌రో ఒక‌ర్ని లాక్ చేయాల‌ని కొర‌టాల ప్లాన్ చేస్తున్న‌ట్లు తెలుస్తోంది.

స‌రిగ్గా కొన్నేళ్ల క్రితం మ‌రో బాలీవుడ్ హీరోయిన్ శ్ర‌ద్దా క‌పూర్ కూడా ఇదే ఫేజ్ ని ఎదుర్కోంది. ప్ర‌భాస్ హీరోగా న‌టించిన పాన్ ఇండియా చిత్రం `సాహో`లో శ్ర‌ద్దా క‌పూర్ హీరోయిన్ గా న‌టించిన సంగ‌తి తెలిసిందే. ఆ సినిమా సెట్స్ లో ఉండ‌గానే శ్ర‌ద్ధా కపూర్ టాలీవుడ్ స్టార్ హీరోల చిత్రాల్లో అవ‌కాశాలు వ‌స్తున్న‌ట్లు ప్ర‌చారం సాగింది.

కానీ వాటిని శ్ర‌ద్ద `సాహో` రిలీజ్ త‌ర్వాత చూద్దాం అన్న ఉద్దేశంతో వాటిని తిర‌స్క‌రించిన‌ట్లు వెలుగులోకి వ‌చ్చింది. ఆ త‌ర్వాత `సాహో` రిలీజ్ అవ్వ‌డం..బాక్సాఫీస్ వ‌ద్ద ఫెయిల‌వ్వ‌డంతో సీన్ రివ‌ర్స్ అయింది. అప్ప‌టి నుంచి శ్ర‌ద్దా క‌పూర్ వైపు చూసిన తెలుగు నిర్మాత లేరు. కేవ‌లం అధిక పారితోష‌కం డిమాండ్ చేయోచ్చు అన్న కార‌ణంగానే స‌ద‌రు హీరోయిన్ వ‌చ్చిన అవ‌కాశాల్ని వ‌దులుకుంద‌ని ప్ర‌చారం తెర‌పైకి వ‌చ్చింది. తాజాగా అన‌న్య పాండే విష‌యంలోనూ అదే జ‌రుగుతోంద‌ని మీడియా క‌థ‌నాలు అంత‌కంత‌కు వెడెక్కిస్తున్నాయి.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.