సక్సెస్ ఫుల్ దర్శకుడికి చరణ్ డేట్స్ ఇచ్చేసాడా..?

మెగా పవర్ స్టార్ రామ్ చరణ్ ప్రస్తుతం దర్శకధీరుడు రాజమౌళి తెరకెక్కిస్తున్న భారీ మల్టీస్టారర్ 'ఆర్.ఆర్.ఆర్'లో నటిస్తున్నాడు. అలానే మెగాస్టార్ చిరంజీవి - కొరటాల శివ కాంబినేషన్ లో రూపొందుతున్న 'ఆచార్య' సినిమాలో కీలక పాత్రలో కనిపించనున్నాడు. అయితే ఈ రెండు సినిమాల చరణ్ నటించే సినిమాపై ఇంకా క్లారిటీ రాలేదు. అయితే చెర్రీ నెక్స్ట్ సినిమా వెంకీ కుడుముల దర్శకత్వంలో ఉండబోతోందనే న్యూస్ చాలా రోజులుగా ఫిలిం సర్కిల్స్ లో వినిపిస్తోంది.

వెంకీ కుడుముల ఇంతకముందు 'ఛలో' 'భీష్మ' వంటి రెండు వరుస బ్లాక్ బస్టర్ హిట్స్ అందుకున్నాడు. కానీ 'భీష్మ' సినిమా వచ్చి ఏడాది పూర్తి అవుతున్నా ఈ స‌క్సెస్ ఫుల్ డైరెక్ట‌ర్ మూడో సినిమా మీద ఎలాంటి ప్రకటన రాలేదు. అయితే తాజాగా సినీ వర్గాల్లో వినిపిస్తున్న టాక్ ప్రకారం వెంకీకి రామ్ చరణ్ డేట్స్ ఇచ్చేసాడని తెలుస్తోంది. గతంలో చరణ్ నటించిన 'తుఫాన్' సినిమాకి రైటింగ్ డిపార్ట్మెంట్ లో వర్క్ చేసిన వెంకీ.. చరణ్ కి ఓ స్క్రిప్ట్ నెరేట్ చేసి ఒప్పించాడట. ఈ నెలాఖరుకు ఈ ప్రాజెక్ట్ ఓ కొలిక్కి రాబోతున్నట్లు తెలుస్తోంది.