చిరు-నితిన్ ఇద్ద‌రితోనూ క‌మిట‌య్యాడా?

ఛ‌లో- భీష్మ చిత్రాల‌తో బ్లాక్ బ‌స్ట‌ర్లు అందుకున్నాడు వెంకీ కుడుముల‌. తెర‌కెక్కించిన రెండు సినిమాలు చ‌క్క‌ని విజ‌యాలు సాధించ‌డంతో అత‌డికి టాలీవుడ్ లో డిమాండ్ ఏర్ప‌డింది. ప్ర‌స్తుతం అతడు మెగాస్టార్ చిరంజీవికి ఓ క‌థ వినిపించార‌ని దానిపై ఆయ‌న ఎంతో ఆస‌క్తిగా ఉన్నార‌ని ప్ర‌చార‌మైంది.

అలాగే భీష్మ హీరో నితిన్ కోసం కూడా మ‌రో క‌థ‌ను రెడీ చేసి ఓకే చేయించుకున్నాడ‌ని ప్ర‌చార‌మ‌వుతోంది. అయితే వెంకీ ఎవ‌రితో ముందుగా సినిమా చేస్తారు? ఇద్ద‌రితోనూ ఉంటుందా లేదా? అన్న‌దానిపై ఇప్ప‌టివ‌ర‌కూ స‌రైన స్ప‌ష్ఠ‌త లేదు.

చిరు.. నితిన్ ఇద్ద‌రూ కెరీర్ ప‌రంగా బ్యాక్ టు బ్యాక్ సినిమాల‌తో బిజీగా ఉన్నారు. ఆ క్ర‌మంలోనే ఆ ఇద్ద‌రిలో ఎవ‌రితో ముందుగా క‌మిట‌వుతాడు? అన్న‌దే డైల‌మాకు కార‌ణ‌మ‌వుతోంది. దీనిపై వెంకీ స్వ‌యంగా క్లారిటీ ఇస్తే బావుంటుందేమో!