ఆ స్టార్ హీరో భార్య దూర‌మవ్వ‌డానికి డ్ర‌గ్స్ కార‌ణ‌మా?

సుశాంత్ సింగ్ రాజ్ పుత్ మ‌ర‌ణంతో బాలీవుడ్ మాఫియా చుట్టూ నీలినీడ‌లు క‌మ్ముకుంటున్నాయి. క్ర‌మంగా `క్లీన్ ద బాలీవుడ్` అనే నినాదం కూడా ఊపందుకుంటోంది. సుశాంత్ కేసులో ప్ర‌ధాన ముద్దాయిగా ఆరోప‌ణ‌లు ఎదుర్కొంటున్న రియా చ‌క్ర‌వ‌ర్తికి తాజాగా ముంబై డ్ర‌గ్స్ మాఫియాతో సంబంధాలు వున్నాయ‌ని వాట్సాప్ చాట్ బ‌య‌ట‌ప‌డ‌టంతో బాలీవుడ్ లో మ‌రో భోగోతం బ‌ట్ట‌బ‌య‌లైంది. తాజాగా డ్ర‌గ్స్ వివాదంపై బాలీవుడ్ ఫైర్ బ్రాండ్ కంగ‌న సంచ‌ల‌న వ్యాఖ్య‌లు చేసింది. ఈ సంద‌ర్భంగా బాలీవుడ్ టాప్ హీరోపై కంగన చేసిన వ్యాఖ్య‌ చ‌ర్చ‌నీయాంశంగా మారింది.

బాలీవుడ్ అగ్ర హీరోల‌ డ్ర‌గ్స్ వాడ‌కంపై కంగ‌న సంచ‌ల‌న విష‌యాలు బ‌య‌ట‌పెట్టింది. ఓ జాతీయ మీడియాకు ఇచ్చిన ఇంట‌ర్వ్యూలో కంగ‌న గ‌తంలో డేటింగ్ చేసిన స‌ద‌రు హీరో గురించి షాకింగ్ విష‌యాల్ని వెల్ల‌డించింది. ఎక్కువ మోతాదులో డ్ర‌గ్స్ తీసుకోవ‌డం స‌ద‌రు టాప్ హీరోకు అల‌వాటు వుంద‌ని ఆ కార‌ణంగానే అత‌ని ఆరోగ్యం క్షీణించి హాస్పిట‌ల్ లో చేరాడ‌ని డ్ర‌గ్స్ వాడే తీరు.. అత‌ని అల‌వాట్ల‌ని భ‌రించ‌లేకే భార్య విడిపోయింద‌ని బాంబ్ పేల్చింది. భార్య నుంచి విడిపోయాక‌ ఆ హీరోతో తాను డేటింగ్ చేశాన‌ని అయితే అత‌డి ఫ్యామిలీ త‌నని ఇబ్బంది పెట్టే ప్ర‌య‌త్నం చేసింద‌ని కంగ‌న వెల్ల‌డించింది.

బాలీవుడ్ లో 99 శాతం మందికి డ్ర‌గ్స్ అల‌వాటుంద‌ని డ్ర‌గ్ మాఫియాతో సంబంధాలున్నాయ‌ని.. నాకు గురువుగా చెప్పుకునే ఓ ద‌ర్శ‌కుడు త‌న‌కు డ్ర‌గ్స్ రుచి చూపించాడ‌ని కూడా తెలిపింది. బాలీవుడ్ ‌లో డ్ర‌గ్స్ స‌ప్లై చేసే వారిని విచారిస్తే చాలా మంది బాలీవుడ్ స్టార్స్ జైల్లో వుంటార‌ని సంచ‌ల‌న విష‌యాన్ని కంగ‌న వెల్ల‌డించింది. బాలీవుడ్ లో వున్న టాప్ సెల‌బ్రిటీలంతా డ్ర‌గ్స్ వాడ‌తార‌ని సంచ‌ల‌న విష‌యాలు బ‌య‌ట‌పెట్టింది.