కంగ‌నా చెవిలోకి హృతిక్ సీక్రెట్లు...

ఒక‌ప్పుడు హృతిక్ - కంగ‌నా ప్రేమించుకున్నార‌ని వార్త‌లు వ‌చ్చాయి. అంతెందుకు హృతిక్ భార్య‌తో అందుకే విడిపోయాడ‌ని కూడా గుస‌గుస‌లు వినిపించాయి. ఏమైందో ఏమో వారిద్ద‌రూ త‌రువాత బ‌ద్ద శ‌త్రువులైపోయారు. ఒక‌రిమీద ఒక‌రు మీడియా ముఖంగా ఆరోప‌ణ‌లు చేసుకున్నారు. చివ‌రికి ఆ గొడ‌వ మెల్ల‌గా చ‌ల్లారి... ఎవ‌రి ప‌నుల్లో వారు మునిగిపోయారు. ఇప్పుడు మ‌ళ్లీ ఆ గొడ‌వ రాజుకునే అవ‌కాశాలు పుష్క‌లంగా ఉన్నాయి అంటున్నారు సినీ విశ్లేషకులు. కార‌ణం అంజ‌లి అతా అనే అమ్మాయి. ఇంత‌కీ ఎవ‌రామె?

హృతిక్ ఎక్సీడ్ అనే కంపెనీ ద్వారా త‌న వ్య‌వ‌హారాల‌న్నీ చూసేందుకు మేనేజ‌ర్‌ ను ఏర్పాటు చేసుకున్నారు. దాదాపు ప‌న్నెండేళ్ల పాటూ ఆయ‌న ద‌గ్గ‌ర అంజ‌లినే మేనేజ‌ర్‌ గా ప‌నిచేసింది. కొన్ని కార‌ణాల వ‌ల్ల ఎక్సీడ్‌ తో త‌న వ్య‌వ‌హారాల‌న్నీ ర‌ద్దు చేసుకున్నాడు హృతిక్‌. దీంతో అంజ‌లికి ప‌నిలేక ఏడునెల‌ల ఖాళీగానే ఉంది. ఇప్పుడు ఆమెకు కంగ‌నా అవ‌కాశం ఇచ్చింది. కంగనా మేనేజ‌ర్‌ గా ఉన్న అమ్మాయి పెళ్లి ప‌నుల్లో భాగంగా బిజీ అయిపోయింది. సెలవులు పెడుతోంది. దీంతో ఆమె స్థానంలో అంజ‌లిని పెట్టుకుంది కంగనా. అంజ‌లి కూడా మీడియాతో తాను కంగ‌నా వ్య‌వ‌హారాలు చూస్తున్న‌ట్టు చెప్పింది. హృతిక్ ద‌గ్గ‌ర ప‌న్నేండేళ్లు ప‌నిచేసిన మేనేజ‌ర్‌ కు ఆయ‌న‌కు సంబంధించి చాలా సీక్రెట్లు తెలిసే ఉంటాయి క‌దా. క‌నుక‌... కంగ‌నాకు ఆయ‌న గురించి చాలా విష‌యాలు అంజ‌లి చెప్పే అవ‌కాశం క‌నిపిస్తోంది. మ‌ళ్లీ త్వ‌ర‌లో కంగనా ఏమైనా బాంబు పేలుస్తుందో ఏమిటో చూడాలి.

అంజ‌లి... పోయి పోయి కంగనా ద‌గ్గ‌ర ఉద్యోగంలో చేర‌డం హృతిక్ కు నిజంగా షాక్‌ లా త‌గిలే ఉంటుంది. ఇది అత‌ను ఊహించి కూడా ఉండ‌డు. అయినా జ‌రిగేదాన్ని ఎవ‌రు మాత్రం ఆప‌గ‌లం. కాక‌పోతే ఈ పాత ప్రేమికులు మ‌ళ్లీ కొట్టుకోవ‌డం మొద‌లుపెడ‌తారో ఏంటో చూడాలి.