కంగ‌నా ర‌నౌత్ హాలీవుడ్ భామ ప్లేస్ పైనే క‌న్నేసిందా?

హాలీవుడ్ యాక్ష‌న్ స్టార్ ఏంజెలీనా జోలి స్టంట్స్ గురించి చెప్పాల్సిన ప‌నిలేదు. ఏంజెలీనా యాక్ష‌న్ సినిమా క‌మిట్ అయిందంటే వార్ వ‌న్ సైడే. యాక్ష‌న్ థ్రిల్ల‌ర్ లో జోలీ దులుపుడు మామూలుగా ఉండ‌దు. 'టోంబ్ రైడ‌ర్'.. 'వాంటెండ్'..ఎట‌ర్న‌ల్స్..దోస్ హూ విష్ మి డెడ్' చిత్రాల్లో బుల్లెట్ల వ‌ర్షం మామూలుగా ఉండదు. తుపాకీ చేత‌ ప‌ట్టి టార్గెట్ ఫిక్స్ చేసింద‌టే ద‌డ‌ద‌డ‌లాడాల్సిందే.

ఎంత‌టి ప్ర‌త్య‌ర్ధులు చిత్తు అవ్వాల్సిందే. అలాగే అమ్మ‌డు అందాల ప్ర‌ద‌ర్శ‌న అదే రేంజ్ లో ఉంటుంది మ‌రి. స్పైసీ లుక్ లో..అందాల ప్ర‌ద్శ‌న‌లోనూ ఏమాత్రం త‌గ్గ‌దు. అందుకే 47 అమ్మ‌డు పాన్ వ‌ర‌ల్డ్ లో అంత‌ ఫేమ‌స్ అయింది. మ‌రి ఇప్పుడు 'ధ‌డ‌క్' సినిమాతో బాలీవుడ్ క్వీన్ కంగ‌నా ర‌నౌత్ పాన్ వ‌ర‌ల్డ్ లో ఫేమ‌స్ అవ్వాల‌ని చూస్తుందా? అంటే అవున‌నే చెబుతోంది తాజా స‌న్నివేశం.

కంగ‌న న‌టించిన 'ధ‌డ‌క్' టీజ‌ర్..ట్రైల‌ర్ రిలీజ్ అయిన సంగతి తెలిసిందే. టీజ‌ర్ తోనే ద‌డ ద‌డ‌లాడించేసింది క్వీన్. కొన్ని గంట‌ల క్రిత‌మే రిలీజ్ అయిన ట్రైల‌ర్ చూస్తే టీజ‌ర్ మించి మంట‌లు రేపింది అనిపిస్తుంది.

ట్రైల‌ర్ మొద‌లు నుంచి ముగింపు వ‌ర‌కూ పోరాట స‌న్నివేశాలే హైలైట్ అవుతున్నాయి. ప్ర‌త్యర్ధుల‌పై కంగ‌న‌ బుల్లెట్ల మోత‌...క‌త్తి పోట్లు ఆద్యంతం ఆక‌ట్టుకుంటున్నాయి.

ఇందులో కంగ‌న యాక్ష‌న్ సీక్వెన్స్ లోనూ ఏంజెలీనా జోలిని త‌ల‌పించింది. లోదుస్తులు..బికినీ..ఇత‌ర స్పైసీ డ్రెస్స్ లో త‌న‌లో గ్లామ‌ర్ యాంగిల్ ని ఆవిష్క‌రించింది. ట్రైల‌ర్ చూస్తున్నంత సేపు 'టోంబో రైడ‌ర్' ని త‌ల‌పించింది. పూర్తిగా ఇదొక స్పై థ్రిల్ల‌ర్ లా హైలైట్ అవుతుంది. విజువ‌ల్స్ అద్భుతంగా ఉన్నాయి. హాలీవుడ్ యాక్ష‌న్ థ్రిల్ల‌ర్ కి ఏమాత్రం తీసిపోకుండా కంగ‌నా చింపేసింద‌ని చెప్పొచ్చు.

మ‌రి సినిమా ఎలా ఉంటుంద‌న్న‌ది తెలియాలంటే? రిలీజ్ వ‌ర‌కూ వెయిట్ చేయాల్సిందే. సినిమా హిట్ అయితే కంగ‌న ఇమేజ్ రెట్టింపు అవుతుంది. ప్ర‌త్యేక‌మైన గుర్తింపు దక్కుతుంది. ఇప్ప‌టివ‌ర‌కూ ఏ బాలీవుడ్ హీరోయిన్ చేయ‌ని అటెంప్ట్ కంగ‌న 'ధ‌డ‌క్' తో చేసింది. అదుకోసం కంగ‌న చాలా శ్ర‌మించింద‌ని తెలుస్తుంది.