మ‌రో బాలీవుడ్ ప్రాజెక్ట్ కు ప్ర‌భాస్ గ్రీన్ సిగ్న‌ల్‌!

పాన్ ఇండియా స్టార్ ప్ర‌భాస్ ప్ర‌స్తుతం బ్యాక్ కు బ్యాక్ భారీ ప్రాజెక్ట్ ల‌లో బిజీగా వున్న విష‌యం తెలిసిందే. ఇప్ప‌టికే మూడు ప్రాజెక్ట్ ల‌తో బిజీ బిజీగా గ‌డిపేస్తున్న ప్ర‌భాస్ తాజాగా మ‌రో బాలీవుడ్ ప్రాజెక్ట్ కి గ్రీన్ సిగ్న‌ల్ ఇచ్చిన‌ట్టుగా తెలుస్తోంది. వివ‌రాల్లోకి వెళితే.. ప్ర‌భాస్ `బాహుబ‌లి` తో పాన్ ఇండియా స్టార్ గా మారిపోయాడు. ఆ ఇమేజ్ కు త‌గ్గ‌ట్టుగానే త‌న త‌దుప‌రి ప్రాజెక్ట్ లు వుండేలా ప్లాన్ చేసుకుంటూ ముందుకు సాగుతున్న విష‌యం తెలిసిందే.

బాలీవుడ్ డైరెక్ట‌ర్ ఓం రౌత్ తో రామాయ‌ణ గాధ ఆధారంగా రూపొందుతున్న‌`ఆది పురుష్‌` మూవీలో న‌టిస్తున్నాడు. అత్యంత భారీ స్థాయిలో రూ. 500 కోట్ల భారీ బ‌డ్జెట్ తో ఈ మూవీని తెర‌కెక్కిస్తున్నారు. జ‌ప‌నీస్ మూవీ `రామాయ‌ణ : ది లిజెండ్ ఆఫ్ ప్రిన్స్ రామా` స్ఫూర్తితో ఈ మూవీని 3డీ ఫార్మాట్ లో రూపొదిస్తున్నారు. క్రితిస‌న‌న్ హీరోయిన్ గా సీత పాత్ర‌లో న‌టిస్తుండగా లంకాధిప‌తి రావ‌ణాసుడిగా సైఫ్ అలీఖాన్ న‌టిస్తున్నాడు. టి పిరీస్ ఫిలింస్ అత్యంత ప్ర‌తిష్టాత్మ‌కంగా నిర్మిస్తున్న ఈ మూవీ ప్ర‌భాస్ న‌టిస్తున్న తొలి బాలీవుడ్ చిత్రం.

ప్ర‌స్తుతం చిత్రీక‌ర‌ణ పూర్తి చేసుకున్న ఈ మూవీ పోస్ట్ ప్రొడ‌క్ష‌న్ కార్య‌క్ర‌మాల్లో భాగంగా గ్రాఫిక్స్ వర్క్ జ‌రుపుకుంటోంది. ఈ మూవీతో పాటు `కేజీఎఫ్` ఫేమ్ ప్ర‌శాంత్ నీల్ డైరెక్ష‌న్ లో హై వోల్టేజ్ యాక్ష‌న్ ఎంట‌ర్ టైన‌ర్ `స‌లార్`లో న‌టిస్తున్నారు. ఈ మూవీ చిత్రీక‌ర‌ణ ద‌శ‌లో వుంది.

ఇదే స‌మ‌యంలో నాగ్ అశ్విన్ డైరెక్ష‌న్ లో టైమ్ ట్రావెల్ సైన్స్ ఫిక్ష‌న్ గా రూపొందుతున్న `ప్రాజెక్ట్ కె`లో న‌టిస్తున్న విష‌యం తెలిసిందే. ఈ మూవీని కూడా రూ. 500 కోట్ల భారీ బ‌డ్జెట్ తో వైజ‌యంతీ మూవీస్ అధినేత సి. అశ్వ‌నీద‌త్ నిర్మిస్తున్నారు.

ప్ర‌స్తుతం ఈ మూవీ షూటింగ్ ద‌శ‌లో వుంది. ఇప్ప‌టి వ‌ర‌కు జ‌రిగిన షెడ్యూల్స్ తో ఈ మూవీ 50 శాతం పూర్త‌యిన‌ట్టుగా మేక‌ర్స్ ఇటీవ‌ల వెల్ల‌డించారు. ఇదిలా వుంటే తాజాగా ప్ర‌భాస్ మ‌రో బాలీవుడ్ ప్రాజెక్ట్ ని అంగీక‌రించిన‌ట్టుగా వార్త‌లు వినిపిస్తున్నాయి. ఈ మూవీని బాలీవుడ్ డైరెక్ట‌ర్ సిద్దార్థ్ ఆనంద్ తెర‌కెక్కించ‌నున్నార‌ట‌. ఈ మూవీని కూడా భారీ బ‌డ్జెట్ తో రూపొందించ‌నున్నార‌ని వార్త‌లు వినిపిస్తున్నామ‌యి.

యాక్ష‌న్ థ్రిల్ల‌ర్ గా రూపొంద‌నున్న ఈ మూవీని వ‌చ్చే ఏడాది జూన్ వ‌ర‌కు సెట్స్ పైకి తీసుకురావాల‌ని మేక‌ర్స్ ప్లాన్ చేస్తున్న‌ట్టుగా తెలుస్తోంది. త్వ‌ర‌లోనే ఈ ప్రాజెక్ట్ కు సంబందించిన మ‌రిన్ని వివ‌రాల్ని బాలీవుడ్ మేక‌ర్స్ వెల్ల‌డించే అవ‌కాశం వుంద‌ని తెలిసింది. ఇందులో ప్ర‌భాస్ కు జోడీగా ఎవ‌రు న‌టిస్తారు? .. ఏ నిర్మాణ సంస్థ నిర్మించే అవ‌కాశం వుంద‌నే వివ‌రాలు త్వ‌ర‌లోనే బ‌య‌టికి రానున్నాయి.