వెంకీ మామ‌ గెస్ట్ రోల్ ఇంపాక్ట్ చూపించిందా?

మాస్ కా దాస్ విశ్వ‌క్ సేన్ న‌టించిన లేటెస్ట్ రొమాంటిక్ ఫాంట‌సీ మూవీ 'ఓరి దేవుడా!'. తమిళంలో అశోక్ సెల్వ‌న్‌, రితికా సింగ్, వాణి భోజ‌న్ ప్ర‌ధాన పాత్ర‌ల్లో న‌టించిన 'ఓ మై క‌డ‌వులే' ఆధారంగా ఈ మూవీని రీమేక్ చేశారు. ఇందులోని కీల‌క అతిథి పాత్ర‌లో దేవుడిగా మ‌క్క‌ల్ సెల్వ‌న్, వెర్స‌టైల్ ఆర్టిస్ట్ విజ‌య్ సేతుప‌తి న‌టించాడు. త‌ను చేసిన పాత్ర‌నే తెలుగులో విక్ట‌రీ వెంక‌టేష్ పోషించిన విష‌యం తెలిసిందే. రీసెంట్ గా ఈ శుక్ర‌వారం విడుద‌లైన 'ఓరి దేవుడా' బాగుంద‌నే టాక్ ని సొంతం చేసుకుంది.

త‌మిళ వెర్ష‌న్ కు ద‌ర్శ‌క‌త్వం వ‌హించిన అశ్వ‌త్ మారిముత్తు తెలుగు రీమేక్ కు ద‌ర్శ‌క‌త్వం వ‌హించాడు. శ్రీ వెంక‌టేశ్వ‌ర క్రియేష‌న్స్ స‌మ‌ర్ప‌ణ‌లో పీవీపీ సినిమా నిర్మించిన ఈ మూవీలో ఎప్పుడైతే వెంకీ మామ న‌టిస్తున్నాడ‌ని న్యూస్ బ‌య‌టికి వ‌చ్చిందో అప్ప‌టి నుంచే ఈ ప్రాజెక్ట్ పై ప్రేక్ష‌కుల్లో అంచ‌నాలు ఏర్ప‌డ్డాయి. అయితే వెంక‌టేష్ న‌టిస్తున్న విష‌యాన్ని మాత్రం మేక‌ర్స్ బ‌లంగా ప్రేక్ష‌కుల్లోకి తీసుకెళ్ల‌లేక‌పోయారు.

కార‌ణం ఈ మూవీ ప్ర‌మోష‌న్స్ లో విక్ట‌రీ వెంక‌టేష్ పెద్ద‌గా పాల్గొన‌క‌పోవ‌డ‌మే. బాలీవుడ్ లో స‌ల్మాన్ ఖాన్ తో క‌లిసి 'కిసీకీ భాయ్ కిసీకీ జాన్‌' అనే మూవీలో వెంక‌టేష్ కీల‌క పాత్ర‌లో న‌టిస్తున్న విష‌యం తెలిసిందే. ఆ కార‌ణంగానే ఈ మూవీ ప్ర‌మోష‌న్స్ కి పెద్ద‌గా హాజ‌రు కాలేక‌పోయాడ‌ట‌. అదే ఈ సినిమా వ‌సూళ్ల‌పై తీవ్ర ప్ర‌భావాన్ని చూపించింది.

పోస్ట‌ర్ల‌లో ప్ర‌ధానంగా వెంక‌టేష్ ని చూపించే ప్ర‌య‌త్నం చేసినా త‌న‌ది గెస్ట్ రోల్ అని తేల‌డంతో చాలా వ‌రకు ఫ్యాన్స్‌ కూడా నిరుత్సాహానికి గుర‌య్యారు. వెంకీ పాత్ర ఫ‌స్ట్ హాఫ్ కె ప‌రిమితం కావ‌డం.. ఆ త‌రువాత క్లైమాక్స్ లో మాత్ర‌మే క‌నిపించ‌డంతో అభిమానులు కొంత వ‌ర‌కు అసంతృప్తికి లోన‌య్యారు.

అయితే ఓవ‌రాల్ గా ఈ మూవీకి వెంకీ మామ క్యారెక్ట్ వ‌ల్లే సినిమాకు క్రేజ్ ఏర్ప‌డ‌టంతో ఫ్యాన్స్ కొంత వ‌ర‌కు సంతృప్తిని వ్య‌క్తం చేస్తున్నార‌ట‌. ఆ కార‌ణంగానే విశ్వ‌క్ సేన్ ఫ్యాన్స్ తో క‌లిసి వెంకీ మామ ఫ్యాన్స్ థియేట‌ర్ల వ‌ద్ద రిలీజ్ రోజు హంగామా చేయ‌డంతో 'ఓరి దేవుడా' విష‌యంలో వెంకీ మామ ఇంపాక్ట్ చూపించాడ‌ని క్లారిటీ వ‌చ్చేసింది. అయితే ప్ర‌మోష‌న్స్ లో వెంక‌టేష్ పాల్గొని వుంటే ఆ ఇంపాక్ట్ వేరేగా వుండేద‌ని, ఓపెనింగ్ క‌లెక్ష‌న్స్ ఓ రేంజ్ లో వుండేవ‌ని ట్రేడ్ వ‌ర్గాలు అంటున్నాయి అంతేగా..అంతేగా..


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.