అమ్మ నోట్లోంచి ఊడిప‌డిన‌ట్టే ఉన్న బుల్లి అశిన్ ని చూశారా?

మాజీ ప్ర‌పంచ‌సుంద‌రి ఐశ్వ‌ర్యారాయ్ కుమార్తె ఆరాధ్య బ‌చ్చ‌న్ కి ఉన్న ఫాలోయింగ్ తెలిసిందే. సూప‌ర్ స్టార్ మ‌హేష్ కుమార్తె సితార ఘ‌ట్ట‌మ‌నేని.. స్టైలిష్ స్టార్ అల్లు అర్జున్ కుమార్తె అల్లు అర్హ‌కు వెబ్ మాధ్య‌మంలో జాతీయ మీడియాలోనూ బోలెడంత పాపులారిటీ ఫాలోయింగ్ ఉంది. కానీ కొంద‌రు స్టార్ల వార‌సుల గురించి తెలిసిన‌ది త‌క్కువే.

ఒక‌ప్ప‌టి సౌత్ స్టార్ హీరోయిన్ అసిన్ కి 3 సంవత్సరాల కుమార్తె అరిన్ ఉంద‌న్న సంగ‌తి త‌క్కువ‌మందికే తెలుసు. అరిన్ కి ఇత‌రుల్లా మీడియా ఫోక‌స్ కూడా త‌క్కువే. అరిన్ వివ‌రాల్లోకి వెళితే.. ఈ క్యూటీ ఇప్పటికే కథక్ నేర్చుకుంటోంది. బుల్లి బుజ్జి అసిన్ తన డ్యాన్స్ క్లాస్ కోసం సిద్ధమవుతున్న‌ప్ప‌టి ఫోటోల‌ను ఇంత‌కుముందు అభిమానుల‌కు షేర్ చేశారు అశిన్.

అసిన్ కుమార్తె అరిన్ పసుపు పూల ప్రింటెడ్ కుర్తా-పైజామా ధరించి కనిపించింది. ల‌వ్ లీగా అలా మౌనంగా నిలబడిన అరిన్ ఎంతో ముద్దొచ్చేస్తోంది. ``వీకెండ్ కథక్ ప్రాక్టీస్.. 3 సంవత్సరాల వయస్సు`` అనే క్యాప్షన్ తో అసిన్ ఈ ఫోటోని పంచుకున్నారు.

అరిన్ 2020 అక్టోబరు నాటికి మూడు సంవత్సరాల కిడ్. అసిన్ తన పుట్టినరోజు వేడుకల ఫోటోల‌ను కూడా అప్ప‌ట్లో ఇన్ స్టాగ్రామ్ లో పంచుకున్నారు. అరిన్ రేన్ (ఆమె పేరు - మొదటి అక్ష‌రం .. ఇంటిపేరు.. రాహుల్ లో మొదటి అక్ష‌రం కలయిక తో సరళమైన పేరు ను సృష్టించామ‌ని అశిన్ తెలిపారు.

అసిన్ మైక్రోమాక్స్ మొబైల్స్ సహ వ్యవస్థాపకుడు రాహుల్ శర్మను 2016 లో వివాహం చేసుకున్నారు. క్రైస్తవ - హిందూ వేడుకలలో 19 జనవరి 2016 న ఈ జంట‌ వివాహం చేసుకున్నారు. ఘజిని- రెడీ(హిందీ)- హౌస్ ఫుల్ 2 -ఖిలాడి 786 వంటి సినిమాల్లో అశిన్ కనిపించింది. బాలీవుడ్ లో ఆమె చివరి చిత్రం `ఆల్ ఈజ్ వెల్` 2015 లో విడుద‌లైంది. ఆమె పెళ్లి త‌ర్వాత నటనా వృత్తిని విడిచిపెట్టింది. 2016 లో బాలీవుడ్ కు తిరిగి వచ్చే ఆలోచన తనకు లేదని పునరుద్ఘాటిస్తూ ఒక పోస్ట్ ను అశిన్ పంచుకుంది. పెళ్లికి ముందే సినిమాలు బ్రాండ్ల ప్ర‌మోష‌న్ బాధ్య‌త‌ల్ని పూర్తి చేసాన‌ని అశిన్ తెలిపారు.