అలా ఈ కథతో వచ్చాడు!!

ప్రస్తుతం టాలీవుడ్ ఆడియెన్స్ అందరు ఎదురుచూస్తున్న చిత్రం రాజా ది గ్రేట్. వరుసగా అపజయాలను అందుకున్న రవి తేజా సడన్ గా బ్లైండ్ క్యారెక్టర్ లో నటిస్తున్న ఈ చిత్రం నిజంగా ప్రయోగమే అని చెప్పాలి. మంచి సక్సెస్ ట్రాక్ లో ఉన్న దర్శకుడు అనిల్ - దిల్ రాజు కాంబినేషన్ లో ఈ సినిమా వస్తుండడంతో సినిమాపై అంచనాలను పెంచాయి. అంతే కాకుండా సినిమాలో కూడా ఈ హీరో మొత్తంగా బ్లైండ్ గానే కనిపిస్తాడట. రీసెంట్ గా సినిమా ఫ్రీ రిలీజ్ ఈవెంట్ లో నిర్మాత దిల్ రాజు కొన్ని ఆసక్తికరమైన విషయాలను తెలిపాడు.

ముందుగా దర్శకుడి గురించి.. మాట్లాడుతూ.. అనిల్ ఇంతకుముందు తన మొదటి సినిమా పటాస్ రిలీజ్ అయినప్పుడు మొదటి రోజే మంచి టాక్ రావడంతో చాలా హ్యాపీగా ఫీల్ అయ్యాడు. కానీ నెక్స్ట్ సినిమా సుప్రీమ్ మా బ్యానర్ లో తీసినప్పుడు మొదటి వారం మిక్సడ్ టాక్ రావడంతో కన్ఫ్యూజన్ తో నా దగ్గరికి వచ్చి అడిగాడు. ఏంటి రిజల్ట్ అని. సినిమా హిట్ అయితే అయ్యింది. కానీ అనిల్ కొంచెం కన్ఫ్యూజ్ అయ్యాడు. నేను ఒక్కటే చెప్పాను.. ఒక నోవేల్ పాయింట్ తో మంచి కథ రెడీ చేయమని చెప్పడంతో అనిల్ ఈ స్క్రిప్ట్ తో వచ్చాడు హీరో బ్లైండ్ క్యారెక్టర్ అని చెప్పాడు. సినిమా మొత్తం కథ విన్న తరువాత చాలా బాగా నచ్చింది. చాలా మంది హీరోల దగ్గరకు ఈ కథ వెళ్లింది కానీ ఫైనల్ గా రవితేజ కి సెట్ అయ్యిందని దిల్ రాజు చెప్పారు.

చూస్తుంటే ఇంత మంచి కథ అనిల్ రాయడానికి దిల్ రాజు ఒక కారణమని చెప్పవచ్చు. ఆయన ఇంతకుముందు కూడా చాలామంది దర్శకులను పరిచయం చేశారు. దర్శకులను ప్రోత్సహించడం లో టాలీవుడ్ నిర్మాతల్లో దిల్ రాజు టాప్ అని కూడా చెప్పవచ్చు.