గెలికింది చాలు.. దిల్ రాజు కామెంట్

టాలీవుడ్ ఇండస్ట్రీలో అగ్ర నిర్మాతల్లో ఒకరైన దిల్ రాజు ఏం మాట్లాడినా కూడా ఇటీవల కాలంలో అయితే చాలా వైరల్ గా మారిపోతుంది. ఇక తనను కావాలని టార్గెట్ చేస్తున్నారని కూడా దిల్ రాజు డీసెంట్ గా ఇచ్చిన ఒక ఇంటర్వ్యూలో మాట్లాడడం మరింత హాట్ టాపిక్ గా మారింది. వారసుడు సినిమా విడుదల తేదీని ఖరారు చేసుకున్నప్పటి నుంచి కూడా ఏదో ఒక విషయం చర్చనీయాంశంగా మారుతూనే ఉంది.

ఆ సినిమాను తెలుగులో ఎక్కువ థియేటర్లో విడుదల చేస్తున్నారు అని తెలుగు సినిమాలకు ఎక్కువ థియేటర్స్ రానివ్వకుండా చేస్తున్నారు అని దిల్ రాజు పై కొందరు కామెంట్ చేసిన విషయం తెలిసిందే. అయితే దిల్ రాజు వెంటనే ఆ విషయంపై క్లారిటీ ఇచ్చే ప్రయత్నం చేశారు కూడా. సినిమా డిమాండ్ ను బట్టి విడుదలవుతుంది అని కూడా ఆయన అన్నారు.

అంతేకాకుండా తమిళనాడులో కూడా నేను వారసుడు సినిమా కోసం కొన్ని థియేటర్స్ ఎక్కువగా అడుగుతున్నాను అని అదే సమయం అజిత్ సినిమా కూడా విడుదలవుతుంది కాబట్టి అతని కంటే కొంత విజయ్ కు ఎక్కువ మార్కెట్ ఉంది కాబట్టి అందుకే ఎక్కువ ధియేటర్లు అడుగుతున్నాను అని అన్నారు. అయితే ఆ విషయం సోషల్ మీడియాలో ఒక్కసారిగా వైరల్ అయ్యింది.

తమ హీరోను తక్కువ చేసి మాట్లాడాడు అని అజిత్ ఫ్యాన్స్ ఊహించిన విధంగా రియాక్ట్ అవుతున్నారు. అయితే శుక్రవారం రోజు దిల్ రాజు మరో ప్రొడక్షన్ హౌసింగ్ ను స్థాపించి ఇందులో బలగం అనే సినిమాను నిర్మిస్తున్నాడు. ఇక సినిమా లోగో లాంచ్ లో మాట్లాడిన దిల్ రాజు ఇదే విషయంపై మీడియా నుంచి ప్రశ్నించగా ఈ విధంగా స్పందించారు.

'మీరు మీడియా వాళ్ళు ఎదో ఒకటి గెలుకుతుంటారు..ఇప్పుడు గెలక్కండి. ఆల్రెడీ గెలికింది చాలు.. ఇప్పుడు బలగం సినిమా గురించి మాత్రమే మాట్లాడుదాం..' అని దిల్ రాజు సున్నితంగా ఆ విషయంపై స్పందించారు.

అందుకు సంబంధించిన కామెంట్స్ వీడియో కూడా ప్రస్తుతం సోషల్ మీడియాలో వైరల్ గా మారుతుంది. మరి వారసుడు సినిమాకు దిల్ రాజు కామెంట్స్ ఎంతగా ప్రభావం చూపుతాయో చూడాలి.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.