రాజుగారు.. అనిల్ సుంకర మీటింగ్ అయిందట!

సూపర్ స్టార్ మహేష్ బాబు నెక్స్ట్ ఫిలిం మైత్రీ మూవీ మేకర్స్ బ్యానర్ లో ఉంటుందని.. ఆ సినిమాకు దర్శకుడు సుకుమార్ ఫైనలైజ్ అయ్యాడని ఎప్పుడో వార్తలు వచ్చాయి. మైత్రీ వారు కూడా ఈ విషయాన్ని ధృవీకరించారు. కానీ ఇప్పుడు సీన్ పూర్తిగా మారిపోయింది. గత కొన్ని నెలలుగా సుకుమార్ స్క్రిప్ట్ పై పని చేస్తున్నప్పటికీ అది ఒక కొలిక్కి రాకపోవడంతో మరో దర్శకుడు అనిల్ రావిపూడి లైన్లోకొచ్చి మహేష్ బాబుకు ఒక లైన్ వినిపించడం.. ఓకే చేయించుకోవడం చకచకా జరిగిపోయాయి.

సుకుమార్ స్క్రిప్ట్ తయారు చేయడం.. సినిమా షూటింగ్ చేయడం.. అన్నిట్లో నిదానమే. కానీ అనిల్ రావిపూడి మాత్రం యమా ఫాస్ట్.. బులెట్ ట్రైన్ టైపు. అందుకే సుక్కు కథ కాస్త పక్కన పెట్టి అనిల్ కు ముందు ఛాన్స్ ఇచ్చాడని.. ఫైనల్ వెర్షన్ స్క్రిప్ట్ మహేష్ కు ఇస్తే ఈ సినిమా పట్టాలెక్కడం ఖాయమేనని అంటున్నారు. ఇక ఈ సినిమాను దిల్ రాజు- అనిల్ సుంకర సంయుక్తంగా నిర్మిస్తారని ఇప్పటికే వార్తలు వచ్చాయి. తాజా సమాచారం ప్రకారం రాజు గారు- అనిల్ సుంకర మధ్య ఈ సినిమా నిర్మాణం లో ఎలా ప్రొసీడ్ కావాలన్నదానిపై ఒక ఫార్మల్ మీటింగ్ కూడా జరిగిందట. సో.. #మహేష్26 దిశగా దిల్ రాజు - అనిల్ సుంకర అడుగులు పడుతున్నట్టే.

మహేష్ ప్రస్తుతం చేస్తున్న 'మహర్షి' రిలీజ్ అయిన నెలకల్లా ఈ సినిమాను సెట్స్ పైకి తీసుకెళ్ళాలని ప్లానింగ్ లో ఉన్నారట. సినిమా లాంచ్ మాత్రం 'మహర్షి' రిలీజ్ కంటే ముందు ఉండొచ్చని అంటున్నారు. మరి సుక్కు సినిమా నెక్స్ట్ అయినా ఉంటుందా లేదా సైడ్ అయిపోయినట్టేనా అనేది తెలియాల్సి ఉంది.