తాత అయిన స్టార్ ప్రొడ్యూసర్!

టాలీవుడ్ లో మోస్ట్ పాపులర్ నిర్మాతల్లో ఒకరైన దిల్ రాజు తాత అయ్యారట. వినడానికి నమ్మశక్యంగా లేకపోయినా, దిల్ రాజు చూడటానికి అలా కనిపించకపోయినా ఇది నిజం!! దిల్ రాజు ఏకైక కూతురు హన్సిత రెడ్డి పండంటి పాపకు జన్మనిచ్చిందని తెలుస్తోంది. ప్రస్తుతం రాజమండ్రి పరిశర ప్రాంతాల్లో తన కొత్త సినిమా షూటింగులో బిజీగా ఉన్న దిల్ రాజు.. ఈ విషయం తెలుసుకుని ఎగిరి గంతేశారని, యూనిట్ సభ్యులకు స్వీట్లు తినిపించి సంబరాలు చేశారని సమాచారం! ఈ సందర్భంగా చిత్ర యూనిట్ దిల్ రాజు కు శుభాకాంక్షలు తెలియజేశారట!

కాగా, ప్రముఖ విద్యాసంస్థల అధినేత నర్శింహా రెడ్డి కుమారుడు అర్చిత్ రెడ్డితో - లండన్ స్కూల్ ఆఫ్ ఎకనామిక్స్ లో గ్రాడ్యుయేట్ అయిన హన్సిత రెడ్డికి వివాహం జరిగిన సంగతి తెలిసిందే. మే2, 2014 న ఊటీలో వీరి వివాహం అత్యంత వైభవంగా జరిగింది. అనంతరం హైదరాబాద్ లో రిసెప్షన్ కార్యక్రమాన్ని ఏర్పాటుచేశారు. కాగా, భవిష్యత్ లో అన్సిత రెడ్డి, శ్రీ వెంకటేశ్వర క్రియేషన్స్ కు అధిపతిగా వ్యవరిస్తుందని అంటున్నారు!

Like Us on Facebook : https://www.facebook.com/Tupakidotcom/