శ‌త‌మానం భ‌వ‌తిలో దిల్ రాజు!

‘శ‌త‌మానం భ‌వ‌తి’ సినిమాకు దిల్ రాజే నిర్మాత‌. మ‌రి ఆ ప్రాజెక్టులో ఆయ‌నున్నాడ‌ని ప్ర‌త్యేకంగా చెప్పుకోవ‌డ‌మేంటి అంటారా? ఇక్క‌డ మాట్లాడుతోంది తెర వెనుక విష‌యం గురించి కాదు. ఇది తెర ముందు సంగ‌తే. త‌న బేన‌ర్లో అత్యంత ప్ర‌త్యేక‌మైన చిత్రంగా దిల్ రాజు చెబ‌తున్న ‘శ‌త‌మానం భ‌వ‌తి’లో దిల్ రాజు క్యామియో రోల్ చేస్తున్నాడ‌ని ప్ర‌చారం మొద‌లైంది. ఇదేమీ గాలి క‌బురు కాదు. ఇందుకు బ‌లం చేకూర్చే సాక్ష్యం ‘శ‌త‌మానం భ‌వ‌తి’ ట్రైల‌ర్లో క‌నిపించింది.ఈ ట్రైల‌ర్లో ఒక చోట దిల్ రాజు త‌ళుక్కుమ‌న్నాడు. శ‌ర్వానంద్ తో పాటుగా దేవుడి ప‌ల్ల‌కీ మోస్తూ క‌నిపించాడు దిల్ రాజు.

మ‌రి దిల్ రాజు సినిమాలో ఈ ఒక్క స‌న్నివేశంలో అలా త‌ళుక్కుమ‌ని వెళ్లిపోతాడా.. లేక సినిమాలో నిజంగా ఒక క్యామియో చేశాడా అన్న‌ది ఇప్పుడు చర్చనీయాంశంగా మారింది. దిల్ రాజు ఇలా తెర‌మీద క‌నిపించ‌డం ఇదే తొలిసారి. ఈ మ‌ధ్య రాజు గ్లామ‌ర్ మీద‌.. స్టైలింగ్ మీద బాగా శ్ర‌ద్ధ పెడుతున్న విష‌యం స్ప‌ష్టంగా క‌నిపిస్తోంది. ఆ మ‌ధ్య ఒక ఆడియో వేడుక‌కు హీరోలా త‌యారై వ‌చ్చాడు రాజు. అది చూసి రాజు ఆర్టిస్టేమైనా అయిపోతున్నాడా అని స‌ర‌దాగా చ‌ర్చించుకున్నారు సినీ జ‌నాలు. ఇప్పుడు నిజంగానే తెర‌మీద క‌నిపించేస్తున్నాడు రాజు. ఈ అగ్ర నిర్మాత‌కు వేంక‌టేశ్వ‌రుడంటే అపార‌మైన భ‌క్తి. ఈ నేప‌థ్యంలో ప‌ల్ల‌కీ మోసే స‌న్నివేశంలో క‌నిపించి ఉండొచ్చ‌ని కూడా అంటున్నారు.