రాజు గారూ.. రేటింగులు ఇచ్చేస్తున్నారే

అగ్ర నిర్మాత దిల్‌ రాజు ఇప్పడు రేటింగులు గురించి పెద్దగా ఆలోచించట్లేదు. రేపే ఆయన ప్రొడక్షన్‌ వెంచర్‌ ''కృష్ణాష్టమి'' రిలీజవుతోంది. ఈ సినిమా గురించి ఇప్పుడు ఆయన కూడా ప్రత్యేకంగా ఇంటర్యూలు ఇచ్చి మరీ ప్రమోట్‌ చేసేశారు. ఈ సమయంలో ఆయన చెబుతున్న మాటేంటే.. నా సినిమాకు నేనే రివ్యూ చేసుకొని రేటింగ్‌ ఇచ్చేసుకుంటున్నా అంటున్నారు.

''అసలు ఈ మధ్యన రివ్యూవర్లు ఇచ్చే రేటింగులకూ సినిమా బాక్సాఫీస్‌ రిజల్టుకూ సంబంధం ఉండట్లేదు. రివ్యూవర్లకు నచ్చని సినిమాలు ఆడియన్సుకు నచ్చుతున్నాయి. నేనెవ్వరినీ తప్పుపట్టట్లేదు. అయితే కృష్ణాష్టమి సినిమాకు మాత్రం నేను 3.25 నుండి 3.5 స్టార్లు ఇస్తున్నా. 70% ఆడియన్స్‌ కు నచ్చే సినిమా ఇది'' అంటూ చెప్పుకొచ్చారు రాజు గారు.

అసలు ఇలా రివ్యూవర్ల గురించీ.. రేటింగుల గురించీ.. ఆయన టచ్‌ చేసుండకపోతే.. అందరూ సినిమా ఎలా ఉండబోతోందో అనే టెన్షన్‌ తో ఉండేవారు. కాని రాజుగారు రివ్యూవర్లకు నచ్చకపోయినా ఆడియన్స్‌కు నచ్చుతుంది అని కామెంట్‌ చేయడం చేస్తుంటే.. ఒకవేళ సినిమా యావరేజ్‌ గా వచ్చిందా ఏంటి అనే సందేహాలు వస్తున్నాయి. అది సంగతి.