రాజుకు తొలి ప్రేమ ఎంత ఇచ్చింది?

టాలీవుడ్ టాప్ ప్రొడ్యూసర్స్ లో దిల్ రాజు ఒకరని ప్రత్యేకంగా చెప్పనక్కర్లేదు. స్టార్ హీరోల సినిమాలు రిలీజ్ కాబోతున్నాయి అంటే అందులో దిల్ రాజు హ్యాండ్ ఎంతో కొంత ఉంటుంది. నిర్మాతగానే కాకుండా డిస్ట్రిబ్యూటర్ గా కూడా బిజినెస్ చేస్తూ నాలుగు రాళ్లను వెనకేసుకుంటున్నారు. 2017 దిల్ రాజుకు బెస్ట్ ఇయర్ అని చెప్పాలి. వరుసగా ఆయన నిర్మించిన సినిమాలు మంచి లాభాలను అందించాయి. అయితే డిస్ట్రిబ్యూటర్ గా మాత్రం దిల్ రాజు కొంచెం గట్టి దెబ్బె తిన్నాడు.

స్పైడర్ అజ్ఞాతవాసి సినిమాల నైజం హక్కులను కొనుగోలు చేసినా లాభాలను కొంచెం కూడా అందుకోలేదు. అయితే ఈ సారి తొలిప్రేమను తెలుగు రాష్ట్రం మొత్తంగా ఆయనే రిలీజ్ చేయగా ఎంత లాభం వచ్చింది ? నష్టాలను రికవర్ చేశాడా లేదా అనేది హాట్ టాపిక్ గా మారింది. తొలిప్రేమను నిర్మించింది బివిఎస్ఏన్ ప్రసాద్ గారే అయినప్పటికీ దిల్ రాజు కొనుగోలు చేసి రెండు తెలుగు రాష్ట్రాల్లో రిలీజ్ చేసుకున్నాడు.18 కోట్లకు తొలిప్రేమ హక్కులను దక్కించుకున్నాడు. అయితే సినిమా మొదటి రోజే మంచి టాక్ ను సొంతం చేసుకుంది. దీంతో మంచి కలెక్షన్స్ కూడా అందుతున్నాయని కామెంట్స్ వినిపిస్తున్నాయి.

అయితే సినిమా హిట్ టాక్ తెచ్చుకున్న మాట నిజమే కానీ బి సి సెంటర్లలో మాత్రం పరిస్థితి మరోలా ఉంది. సినిమా ని ఎక్కువగా అక్కడి వారు ఆదరించడం లేదు. దీంతో మరి అంత లాభం అని చెప్పలేము గాని ఓ మీడియం రేంజ్ లో దిల్ రాజుకు లాభాలు అందుతున్నాయి అని మాత్రం తెలుస్తోంది. ఇక అందులో ముందుగా చేసుకున్న ఒప్పందం ప్రకారం.. తన అసలు వచ్చేశాక నిర్మాతకు 50% షేర్స్ ఇవ్వాలి.. తక్కినదంతా రాజుగారికే!!