రేసులో శతమానం రూటు సెపరేటు

ఈ సాటి టాలీవుడ్ లో సంక్రాంతికి పందెంకోళ్ల పోటీ భారీగానే ఉంది. మెగాస్టార్ చిరంజీవి కం బ్యాక్ మూవీ ఖైదీ నంబర్ 150.. నందమూరి బాలకృష్ణ వందో చిత్రం గౌతమి పుత్ర శాతకర్ణిలు.. కేవలం ఒక రోజు గ్యాప్ లో రిలీజ్ అవుతున్నాయి. ఈ రెండు భారీ చిత్రాలకు థియేటర్లు కేటాయించడమే డిస్ట్రిబ్యూటర్లకు పెద్ద పని. ఇలాంటి వీటి మధ్యలో చిన్న సినిమా శతమానం భవతి పోటీ పడతానంటోంది.

పోటీ ఉన్న నెగ్గుకు రాగలమనే విషయంలో నిర్మాత దిల్ రాజు దగ్గర పెద్ద వ్యూహమే ఉంది. చిరంజీవి చేస్తున్న ఖైదీ.. పక్కా మాస్ మసాలా ఎంటర్టెయినర్. సోషల్ మెసేజ్ అనే కాన్సెప్ట్ ఉన్నా.. సినిమా సాగేది మాస్ రూట్లోనే. మురుగదాస్ స్టోరీ.. వినాయక్ డైరెక్షన్ అంటే మాస్ ఎలిమెంట్స్ ఎలా ఉంటాయో ఊహించచ్చు. ఇక గౌతమిపుత్ర శాతకర్ణి విషయానికొస్తే.. ఇది చారిత్రక చిత్రం. రాజులు.. యుద్ధాలు.. తెలుగు జాతి గొప్పదనం అనే యాంగిల్ లో నడుస్తుంది. కానీ శతమానం భవతి సంగతి వేరు.

ఇది కంప్లీట్ గా ఫ్యామిలీ ఎంటర్టెయినర్. మంచి కుటుంబకథా చిత్రం పడితే.. గ్యారంటీగా ఫ్యామిలీ ఆడియన్స్ నుంచి ఆదరణ ఉంటుందన్నది దిల్ రాజు నమ్మకం. గతంలో ఇలాంటి ప్రయోగాలు చేసి సక్సెస్ అయ్యాడు కూడా. రీసెంట్ గా రిలీజ్ చేసిన పోస్టర్లు కూడా ఫ్యామిలీ ఎలిమెంట్స్ కి లవ్ స్టోరీ మిక్స్ చేసినట్లుగానే ఇచ్చారు. మరి దిల్ రాజు ఐడియా ఏ మాత్రం వర్కవుట్ అవుతుందో తెలియాలంటే టైం పడుతుంది కానీ.. శతమానం భవతి రిలీజ్ రోజునే.. దీపికా పదుకొనే నటించిన హాలీవుడ్ మూవీ ట్రిపుల్ ఎక్స్ కూడా విడుదల కానుండడం విశేషం.

Like Us on Facebook : https://www.facebook.com/Tupakidotcom/