ప‌వ‌న్ క‌ల్యాణ్ తో మ‌రొక‌టి ప్లాన్ చేస్తున్నాః దిల్ రాజు

‘వ‌కీల్ సాబ్’ సినిమా విజ‌య‌వంతం కావ‌డంతో.. చిత్ర యూనిట్ చాలా సంతోషంగా ఉంది. ఈ నేప‌థ్యంలో శ‌నివారం చిత్ర బృందం హైద‌రాబాద్ లోని సుద‌ర్శ‌న్ థియేట‌ర్ లో ప్రేక్ష‌కుల మ‌ధ్య సినిమాను వీక్షించింది. ఈ సంద‌ర్భంగా నిర్మాత దిల్ రాజు ప్రేక్ష‌కులను ఉద్దేశించి కాసేపు మాట్లాడారు.

ప‌వ‌న్ క‌ల్యాణ్ ఇమేజ్ ను ప‌క్క‌న‌పెట్టి వ‌కీల్ సాబ్ చేయ‌డానికి ఒప్పుకున్నార‌ని అన్నారు. ఈ సినిమాను అన్ని వ‌ర్గాల ప్రేక్ష‌కులూ ఆద‌రిస్తున్నార‌ని, చాలా ఆనందంగా ఉంద‌ని చెప్పారు. ద‌ర్శ‌కుడు వేణు శ్రీరామ్ మంచి సినిమా అందించార‌ని అన్నారు. త‌న డ్రీమ్ హీరోతో.. రైట్ సినిమా వ‌చ్చింద‌ని, ఇదంతా డైరెక్ట‌ర్ వ‌ల్లేన‌ని అన్నారు.

ఇక‌, ప్రేక్ష‌కుల‌కు ప‌వ‌న్ ఒక సందేశం పంపార‌ని దిల్ రాజు అన్నారు. క‌రోనా తీవ్రంగా ఉన్నందు వ‌ల్ల ప్ర‌తీ ఒక్క‌రు త‌ప్ప‌కుండా మాస్కుల‌తోనే థియేట‌ర్ కు రావాల‌ని ప‌వ‌న్‌ సూచించార‌ని చెప్పారు. ఫ్యాన్స్ కు మ‌రో గుడ్ న్యూస్ కూడా ఉంద‌ని చెప్పారు దిల్ రాజు. ప్రీ-రిలీజ్ ఈవెంట్ మాదిరిగా.. మ‌రో ఈవెంట్ ప్లాన్ చేస్తున్నామ‌ని చెప్పారు. దానికి ప‌వ‌న్ ను తీసుకొచ్చేందుకు ప్ర‌య‌త్నం చేస్తున్నామ‌ని అన్నారు. ‘వ‌కీల్ సాబ్ మీట్‌’ ఈ కార్యక్రమాన్ని నిర్వహించనున్నట్టు చెప్పారు దిల్ రాజు.