'బద్మాష్ గాళ్లకి బంపర్ ఆఫర్' ఫస్ట్ సాంగ్ లాంఛ్ చేసిన దిల్ రాజు..!

టాలీవుడ్ స్టార్ ప్రొడ్యూసర్ దిల్ రాజు "బద్మాష్ గాళ్లకి బంపర్ ఆఫర్" చిత్రంలోని ఫస్ట్ లిరికల్ సాంగ్ ని లాంచ్ చేశారు. సినిమాలోని 'ఎవడు చెప్పిండ్రా' అంటూ సాగే పాటని విడుదల చేస్తూ.. చిత్ర బృందానికి బెస్ట్ విషెస్ అందజేశారు. ఇంద్రసేన - సంతోష్ రాజ్ - నవీనా రెడ్డి - మెరిన్ ఫిలిప్ - ప్రగ్యా నయన్ హీరో హీరోయిన్లుగా నటిస్తున్న సినిమా "బద్మాష్ గాళ్లకి బంపర్ ఆఫర్".

సస్పెన్స్ కామెడీ డ్రామా కథతో దర్శకుడు రవి చావలి ఈ చిత్రాన్ని తెరకెక్కిస్తున్నారు. ఫ్రెండ్స్ ఫిల్మ్ అకాడెమీ పతాకంపై అతీంద్ర అవినాష్ మరియు అలవలపాటి శేఖర్ సంయుక్తంగా నిర్మిస్తున్నారు. "బద్మాష్ గాళ్లకి బంపర్ ఆఫ్ ర్" చిత్రానికి రాఘవేంద్ర రెడ్డి సమర్పకులుగా వ్యవహరిస్తున్నారు. ఇప్పటికే షూటింగ్ కంప్లీట్ చేసుకున్న ఈ మూవీ పోస్ట్ ప్రొడక్షన్‌ పనులు కూడా పూర్తయ్యాయి. ఈ నేపథ్యంలోనే ఫస్ట్ సింగిల్ ని దిల్ రాజు చేతుల మీదుగా రిలీజ్ చేయించారు.

ఈ సందర్భంగా దర్శకుడు రవి చావలి మాట్లాడుతూ.. "బద్మాష్ గాళ్లకి బంపర్ ఆఫర్" సినిమా పస్ట్ లిరికల్ సాంగ్ విడుదల చేసిన దిల్ రాజు గారికి థాంక్స్. సస్పెన్స్ కామెడీ డ్రామా మూవీగా తెరకెక్కిన మా చిత్రం ప్రతి పది నిమిషాలకు ఒక ట్విస్ట్ ఇస్తూ సాగుతుంది. ఈ థ్రిల్లర్ కథలో ఇమిడిపోయేలా పాటలు ఉంటాయి. యాక్షన్ తో పాటు మంచి ఎంటర్‌టైన్‌మెంట్ ఇస్తుంది. త్వరలోనే రిలీజ్ ప్లాన్ చేస్తున్నామని అన్నారు.

చిత్ర సమర్పకులు రాఘవేంద్ర రెడ్డి మాట్లాడుతూ.. మా "బద్మాష్ గాళ్లకి బంపర్ ఆఫర్" సినిమా షూటింగ్ కంప్లీట్ అయ్యింది. పోస్ట్ ప్రొడక్షన్‌ పనులు తుది దశకు చేరుకున్న ఈ సినిమా ఫస్ట్ కాపీ త్వరలోనే చేతికి వస్తుంది. మంచి డేట్ చూసి సినిమాను విడుదల చేస్తాం. మంచి టెక్నికల్ టీమ్ ఈ సినిమాకు పనిచేశారు. సరికొత్త కామెడీ డ్రామా మూవీగా మా సినిమా ఆకట్టుకుంటుందని చెప్పారు.

"బద్మాష్ గాళ్లకి బంపర్ ఆఫర్" చిత్రంలో సత్య ప్రకాష్ - శుభలేఖ సుధాకర్ తదితరులు ఇతర పాత్రల్లో నటించారు. ఈ చిత్రానికి మార్తాండ్ కె వెంకటేష్ ఎడిటింగ్ వర్క్ చేస్తున్నారు. విజయ్ సి కుమార్ సినిమాటోగ్రఫీ అందించగా.. బాంబే భోలే సంగీతం సమకూర్చారు. దుర్గాప్రసాద్ శెట్టి ఈ సినిమాకి ఎగ్జిక్యూటివ్ ప్రొడ్యూసర్ గా వ్యవహరిస్తున్నారు.