ముచ్చటగా నాలుగోసారి మహేష్ తో

కారణాలు ఏవైనా మహర్షిని తన కెరీర్ బెస్ట్ ఫిలింగా భావించే మహేష్ బాబు దర్శకుడు వంశీ పైడిపల్లికి మరో బంపర్ ఆఫర్ ఇచ్చేశాడు. అనిల్ రావిపూడితో చేస్తున్న సరిలేరు నీకెవ్వరు తర్వాత మరోసారి సినిమా చేసేందుకు గ్రీన్ సిగ్నల్ అందించేశాడు. ప్రస్తుతం లండన్ లో ఇండియా క్రికెట్ మ్యాచులను చూస్తూ ఎంజాయ్ చేస్తున్న వంశీ మహేష్ లు ఇంకో రెండు వారాల్లో తిరిగి రానున్నారు. ప్రిన్స్ షూటింగ్ లో జాయిన్ అయితే వంశీ కొత్త స్క్రిప్ట్ మీద వర్క్ ప్రారంభిస్తాడు.

ఇప్పటికే ఒక లైన్ ఓకే అయ్యిందని మెసేజ్ ఇస్తూనే కమర్షియల్ అంశాలు మిస్ కాకుండా మరో చక్కని కథ సిద్ధమయ్యిందని బహుశా ఈ నవంబర్ లోపే ఫుల్ నేరేషన్ ఇవ్వొచ్చని తెలుస్తోంది. దీని సంబంధించిన డిస్కషన్స్ లండన్ లో కొనసాగుతున్నాయి. మరో ట్విస్ట్ ఏంటంటే దీనికీ దిల్ రాజే నిర్మాత కావడం మహేష్ హీరోగా సోలో ప్రొడ్యూసర్ కార్డ్ కోసం ట్రై చేస్తున్న దిల్ రాజు మహర్షి-సరిలేరు నీకెవ్వరు రెండు సినిమాలకూ ఇతర నిర్మాతలతో పెట్టుబడి లాభాలను షేర్ చేసుకోవాల్సి వచ్చింది.

సినిమాను జనంలోకి తీసుకెళ్ళడంలో పంపిణి చేయడంలో దిల్ రాజు స్ట్రాటజీలకు ఫ్లాట్ అయిపోయిన మహేష్ ఎట్టకేలకు ఎస్ చెప్పినట్టు సమాచారం. దిల్ రాజు కూడా లండన్ లోనే ఉన్నారు. ఆయన క్రికెట్ మ్యాచులు ఎంజాయ్ చేస్తున్నారో లేదో తెలియదు కాని మనసులో మాత్రం సరిలేరు నీకెవ్వరుతో పాటు నెక్స్ట్ తీయబోయే వంశీ పైడిపల్లి సినిమాకు సంబంధించిన ఆలోచనలే చక్కర్లు కొడుతుంటాయి. అధికారిక ప్రకటన రావడానికి ఇంకొంత సమయం పట్టవచ్చు. సీతమ్మ వాకిట్లో సిరిమల్లె చెట్టు తర్వాత ఇంత గ్యాప్ తీసుకుని దిల్ రాజు వరసగా మూడు ప్రాజెక్ట్స్ ఓకే చేయించుకోవడం విశేషమే